ఈ హీరోయిన్లిద్ద‌రి జాత‌కం తేలిపోతుంది

వ‌చ్చే వారం రోజులు తెలుగు ప‌రిశ్ర‌మ‌లో ఇద్ద‌రి హీరోయిన్ల‌కు చాలా ముఖ్యం. వారిద్ద‌రి సినీ భ‌విష్య‌త్తు ఈ రోజుల మీద ఆధార‌ప‌డి ఉన్నాయి. అందులో ఒక‌రు రాశి ఖ‌న్నా - మ‌రొక‌రు లావ‌ణ్య త్రిపాఠి. ఇద్ద‌రూ హిట్ కొడ‌తారో లేక ఇద్ద‌రూ మ‌ళ్లీ ఫ్లాపందుకుంటారో.... లేక ఒక‌రు హిట్ కొట్టి మ‌రొక‌రు రోటీన గా మ‌రో ఫ్లాపుకు సిద్ధ‌మ‌వుతారో ఈ వారం తేలిపోతుంది.

లావ‌ణ్య త్రిపాఠి టైమ్ ఒక‌ప్పుడు బాగానే న‌డిచింది. భ‌లే భ‌లే మ‌గాడివోయ్‌, సోగ్గాడే చిన్ని నాయ‌న సినిమాల‌తో వ‌రుస హిట్లు అందుకుంది. ఆ త‌రువాత మాత్రం కెరీర్ బాగా వెన‌క‌ప‌డింది. వ‌రుస‌పెట్టి ఫ్లాపుల సినిమాలే. మిస్ట‌ర్‌ - రాధా - యుద్ధం శ‌ర‌ణం సినిమాలు క‌నీసం వారం రోజులు కూడా ఆడింది త‌క్కువే. ఇక రాశి ఖ‌న్నాది కూడా ఇంచుమించు ఇదే ప‌రిస్థితి. గోపీచంద్‌ తో చేసిన ఆక్సిజ‌న్ సినిమా అట్టర్‌ ఫ్లాపు, ర‌వితేజ ట‌చ్ చేసి చూడు కూడా సరిగా ఆడ‌లేదు. దీంతో వీరిద్ద‌రికి ఈ మ‌ధ్య కాలంలో హిట్ ఒక్క‌టీ త‌గ‌ల్లేదు. ఇప్పుడు వీరిద్ద‌రి సినిమాలు ఒక‌రోజు తేడాతో విడుద‌ల‌వుతున్నాయి.

రాశిఖ‌న్నా వ‌రుణ్ తేజ్ ప‌క్కన తొలిప్రేమ సినిమాలో చేసింది. ఈ సినిమా ఫిబ్ర‌వ‌రి 10న విడుద‌ల‌వ్వ‌బోతోంది. ఇది హీరో వ‌రుణ్‌కే కాదు రాశీకి కూడా క‌చ్చితంగా హిట్ కొట్టాల్సిన పరిస్థితే. ఇక లావ‌ణ్య త్రిపాఠి మ‌రో మెగా హీరో సాయిధ‌ర‌మ్ తేజ్ ప‌క్క‌న ఇంటెలిజెంట్ లో న‌టించింది. ఈ సినిమా ఫిబ్ర‌వ‌రి 9న విడుద‌ల‌వుతోంది. ఇప్ప‌టికే ఈ సినిమా ట్రైల‌ర్‌ - టీజ‌ర్‌ పై టాక్ ఇటుఅటుగా ఉంది. సినిమా తేడా కొట్టిందో... లావ‌ణ్య‌కు పెద్ద దెబ్బే.