మెగా హీరో కనిపించుట లేదు!!

మరో వారం రోజుల్లో ఆ హీరో సినిమా ఉంది. పైగా ఇండస్ట్రీలో టాప్ రేంజ్ లో ఫ్యామిలీ నుంచి వచ్చిన వ్యక్తి. ఇప్పటికే సుప్రీం హీరో అని ముద్దుగా పిలుచుకుంటున్న సాయి ధరం తేజ్ అతని పేరు. ఇప్పుడు ఆ హీరోనే కనిపించుట లేదు అంటూ ఫ్యాన్స్ గగ్గోలు పెడుతున్నారు.

అదేంటీ.. సోషల్ మీడియాలో కనిపిస్తున్నాడు.. ప్రమోషనల్ యాక్టివిటీస్ లో పాల్గొంటున్నాడు కదా.. ఇంకా కనిపించకపోవడం ఏంటి అనుకోవడంలో ఆశ్చర్యమేమీ లేదు. వాస్తవలోకంలో అయితే ఈ సుప్రీమ్ హీరో బాగానే కనిపిస్తున్నాడు. ఇంటెలిజెంట్ ప్రమోషన్స్ చేస్తున్నాడు. కానీ ఆ సినిమాకు సంబంధించిన ప్రమోషనల్ మెటీరియల్ లోనే తేజు ఎక్కువగా మెరవడం లేదు. వివి వినాయక్ లాంటి మాస్ దర్శకుడు రూపొందించిన సినిమా ప్రమోషన్ పోస్టర్లలో.. హీరో కంటే హీరోయిన్ ఎక్కువగా కనిపిస్తుండడం ఆశ్చర్యం కలిగించే విషయం. ఇంటెలిజెంట్ పోస్టర్లను కాస్త పరిశీలిస్తే.. ప్రచారం అంతా లావణ్యా త్రిపాఠి నడుం మడతలు.. నాభి అందాలు.. క్లీవేజ్ సొగసులను బేస్ చేసుకుందనే సంగతి అర్ధం అవుతుంది.

ఇంటెలిజెంట్ పోస్టర్ల నిండా లావణ్య అందాలే రచ్చ చేస్తున్నాయి. ఏదో చిన్నా చితకా సినిమాలకు హీరోయిన్ అందాలను చూపించి ప్రచారం చేసుకోవడం కనిపిస్తుంది. కానీ 25 కోట్ల షేర్ మార్కును అందుకున్న తేజు సినిమాకి ఇలాంటి పరిస్థితి ఎందుకు వచ్చిందనే సంగతి.. సినిమా చూశాక కానీ అర్ధం కాదు.