అందాల రాక్షసి 'హ్యాపీ బర్త్ డే' రిలీజ్ డేట్ ఫిక్స్..!

అందం అభినయంతో తెలుగు ప్రేక్షకులను ఆకట్టుకున్న డెహ్రాడూన్ బ్యూటీ లావణ్య త్రిపాఠి.. ఇప్పుడు ''హ్యాపీ బర్త్ డే'' అనే యాక్షన్ క్రైమ్ కామెడీతో అలరించడానికి రెడీ అయింది. విలక్షణమైన రచన - టేకింగ్ తో విమర్శకుల ప్రశంసలు అందుకున్న 'మత్తు వదలరా' ఫేమ్ రితేష్ రానా ఈ చిత్రానికి దర్శకత్వం వహించారు.

'హ్యాపీ బర్త్ డే' చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ తో కలిసి క్లాప్ ఎంటర్టైన్మెంట్ ప్రతాకంపై నిర్మిస్తున్నారు. కాస్టింగ్ మరియు టైటిల్ సాఫ్ట్ గా అనిపించవచ్చు కానీ.. ఇది సాధారణ చిత్రం కాదని చిత్ర బృందం చెబుతోంది. ఇప్పటికే షూటింగ్ పూర్తి చేసుకున్న ఈ సినిమా విడుదల తేదీని తాజాగా ప్రకటించారు.

''హ్యాపీ బర్త్ డే'' సినిమాని జూలై 15న ప్రపంచ వ్యాప్తంగా గ్రాండ్ గా ప్రేక్షకుల ముందుకు తీసుకురానున్నట్లు తెలిపారు. లావణ్య త్రిపాఠి ఫస్ట్ లుక్ పోస్టర్ మరియు సత్య పుట్టినరోజు పోస్టర్ వదిలిన అసాధారణమైన పోస్టర్ ఆకట్టుకున్నాయి. ఇప్పుడు లేటెస్టుగా వచ్చిన రిలీజ్ డేట్ అనౌన్స్ మెంట్ పోస్టర్ కూడా ఆసక్తికరంగా ఉంది.

ఇందులో ట్రెండీ కాస్ట్యూమ్స్ లో ఉన్న లావణ్య.. రెండు చేతుల్లో రెండు తుపాకులను పట్టుకొని ఆనందంతో గెంతుతూ కనిపిస్తోంది. ఈ పోస్టర్ లో కొందరు గన్స్ XXX ఫోర్స్ వైపు గన్స్ గురి పెట్టడం.. 'నో గన్ నో ఎంట్రీ' అనే ప్రకటన ఈ సినిమా విచిత్ర స్వభావాన్ని తెలియజేస్తోంది.

''హ్యాపీ బర్త్ డే'' అనేది ఒక పాన్ తెలుగు ఫిలిం అనే మేకర్స్ పేర్కొన్నారు. ఇది రితేష్ రానా మార్క్ సర్రియల్ కామెడీ థ్రిల్స్ మరియు యాక్షన్ తో కల్పిత ప్రపంచంలోకి తీసుకెళ్లనున్నారని చెబుతున్నారు. ఇందులో సత్య' వెన్నెల కిషోర్'గుండు సుదర్శన్ లతో పాటు 'మత్తు వదలారా' ఫేమ్ నరేష్ అగస్త్య కీలక పాత్ర పోషిస్తున్నారు.

మైత్రీ మూవీ మేకర్స్ నవీన్ యెర్నేని - రవిశంకర్ యలమంచిలి సమర్పణలో చిరంజీవి (చెర్రీ) మరియు హేమలత పెదమల్లు ఈ చిత్రాన్ని నిర్మించారు. కాలభైరవ సంగీతం సనకూర్చగా.. సురేష్ సారంగం సినిమాటోగ్రఫీ అందించారు. డైరెక్టర్ రితేష్ రానా స్వయంగా డైలాగ్స్ రాయగా.. నార్ని శ్రీనివాస్ ఆర్ట్ డైరెక్టర్ గా.. శంకర్ ఉయ్యాల స్టంట్ మాస్టర్ గా వర్క్ చేశారు.