లావణ్యా.. ఏం తెలివితేటల్లే

లావణ్యా త్రిపాఠి.. టాలీవుడ్ లో హ్యాపెనింగ్ హీరోయిన్ అనడంలో సందేహం లేదు. సీనియ్ హీరో నాగార్జున పక్కన హీరోయిన్ గా నటించడం.. అదే సమయంలో యంగ్ హీరోలతో యాక్ట్ చేయడం.. ఇలా రెండు యాంగిల్స్ ను ఒకేసారి మెప్పించగల హీరోయిన్ ఈ మధ్య కాలంలో కనిపించలేదు. అలాగని ఒక హీరోతో ఒక సినిమా చేసినంత మాత్రాన ఆ జర్నీని అక్కడితే కంక్లూడ్ చేసే ఉద్దేశ్యం ఈ భామకు కనిపించదు.

అసలు లావణ్య త్రిపాఠి అసలు తెలివితేటలు అక్కడే కనిపిస్తాయి. తాజాగా ఇద్దరు యంగ్ హీరోలకు చెందిన ప్రమోషనల్ వీడియోలు రిలీజ్ అయ్యాయి. మెగా హీరో వరుణ్ తేజ్ నటించిన ఫిదా మూవీ టీజర్ విడుదల చేశాడు దర్శకుడు శేఖర్ కమ్ముల. దీనికి సూపర్ క్యూట్ వన్ అంటూ కితాబు ఇచ్చింది అందాల రాక్షసి. అలాగే నాని నటించిన నిన్ను కోరి చిత్రానికి థియేట్రికల్ ట్రైలర్ కూడా ఇచ్చారు. దీనికి కూడా లావణ్య రియాక్ట్ అయింది. బ్యూటిఫుల్ అంటూ పొగిడేసింది.

నానితో కలిసి భలే భలే మగాడివోయ్ చిత్రంలో నటించింది లావణ్య. అలాగే వరుణ్ తేజ్ కు హీరోయిన్ గా మిస్టర్ లోనూ కనిపించింది ఈ భామ. ఇలా తను సినిమాలు చేసిన ఇద్దరు హీరోల సినిమాలకు ఇప్పుడు ఉచితంగా ప్రమోషన్స్ చేసి పెడుతూ.. టచ్ లోనే ఉండేందుకు భలే ట్రిక్కీగా ట్రై చేస్తోంది లావణ్య త్రిపాఠి.

Like Us on Facebook : https://www.facebook.com/Tupakidotcom/