లావణ్య తో 'టచ్ చేసి చూడు'

మాస్ రాజా రవితేజ దాదాపు 15 నెలల విరామం తర్వాత మళ్లీ కెమెరాను ఫేస్ చేయబోతున్నాడు. కెరీర్లో ఎన్నడూ లేని విధంగా సుదీర్ఘ విరామం తీసుకున్న మాస్ రాజా.. ఒకేసారి రెండు సినిమాలకు రంగం సిద్ధం చేశాడు. ఇందులో ముందుగా ‘టచ్ చేసి చూడు’ సినిమా సెట్స్ మీదికి వెళ్తోంది. ఈ సినిమాతో విక్రమ్ సిరికొండ అనే కొత్త దర్శకుడు ఇండస్ట్రీకి పరిచయమవుతున్నాడు. నల్లమలుపు శ్రీనివాస్ తో పాటు ఎన్టీఆర్ తో ‘అదుర్స్’ నిర్మించిన పొలిటీషియన్ వల్లభనేని వంశీ ఈ చిత్రాన్ని నిర్మిస్తున్నారు. బాలీవుడ్ స్టార్ మ్యూజిక్ డైరెక్టర్ ప్రీతమ్ ఈ సినిమాతోనే తెలుగు తెరకు పరిచయవుతుండటం విశేషం.

ఈ సినిమాకు అన్నీ ముందే ఫిక్సయ్యాయి కానీ.. హీరోయిన్ విషయంలోనే కొంత తర్జన భర్జన నడిచింది. ఆ విషయంలో ఇప్పుడు క్లారిటీ వచ్చేసినట్లు సమాచారం. అందాల భామ లావణ్య త్రిపాఠి ఈ చిత్రంలో మాస్ రాజాకు జోడీగా నటిస్తుందట. గత ఏడాది ‘సోగ్గాడే చిన్నినాయనా’ లాంటి బ్లాక్ బస్టర్.. ‘శ్రీరస్తు శుభమస్తు’ లాంటి హిట్ సినిమాల్లో నటించి లక్కీ హీరోయిన్ అని ముద్ర వేయించుకుంది లావణ్య. ప్రస్తుతం ఆమె వరుణ్ తేజ్ తో ‘మిస్టర్’ చేస్తోంది. ఆ చిత్రాన్ని నిర్మిస్తున్న నల్లమలుపు శ్రీనివాస్.. ఆమె టాలెంట్ చూసి ఇంప్రెస్ అయ్యాడు. విక్రమ్.. రవితేజ కూడా ఆమోద ముద్ర వేయడంతో లావణ్యను ఈ సినిమాలో కథానాయికగా ఫిక్స్ చేశారు. మాస్ రాజాతో లావణ్య చేయబోయే తొలి సినిమా ఇది.

Like Us on Facebook : https://www.facebook.com/Tupakidotcom/