ఫోటో స్టోరీ: ఇదేం పోజు అందాల రాక్షసీ!

'అందాల రాక్షసి' గా పేరు తెచ్చుకున్న లావణ్య త్రిపాఠి కెరీర్ గత కొంతకాలంగా నెమ్మదించింది. పోయినేడాది 'అర్జున్ సురవరం' విజయం తో కాస్త రిలీఫ్ దక్కింది. ఇప్పడు చేతిలో మంచి ఆఫర్లే ఉన్నాయి. మరీ ముఖ్యంగా పవర్ స్టార్ పవన్ కళ్యాణ్ సినిమాలో హీరోయిన్ ఆఫర్ దక్కడం లావణ్యకు జాక్ పాట్ తగిలినట్టే అనుకోవాలి.

ఇదిలా ఉంటే లావణ్య ఎప్పటిలాగే సోషల్ మీడియాలో వేడి పెంచే కార్యక్రమాలు చేపట్టింది. ఇప్పుడిప్పుడే లావణ్య కెరీర్ లో బౌన్స్ బ్యాక్ అవుతోంది కాబట్టి మరింతగా తన టాలెంట్ చూపిస్తూ అందరి దృష్టిని ఆకర్షించే ప్రయత్నం చేస్తోంది. పెనం వేడిమీద ఉన్నప్పుడే దోశ పోయ్యాలి అనే నాటు సామెతను నిజం చేస్తూ ఫోటోలను ఇన్స్టా పెనం పై షేర్ చేస్తోంది. తాజాగా ఈ భామ ఒక ఫోటోను పోస్ట్ చేసి "మనసు దృఢంగా ఉండాలి హృదయం సున్నితంగా ఉండాలి. #అందరూ స్ట్రాంగ్ గా ఉండండి" అంటూ ఒక వేదాంతం తొణికిసలాడే ఓ క్యాప్షన్ ఇచ్చింది.

ఇక ఫోటో విషయానికి వస్తే పఫ్ లాగా ఉండే లెహెంగా.. వైట్ టాప్ ధరించి ఒక్క గ్రాము కూడా అందాల విందు చెయ్యకుండా రెండు చేతులూ పైకెత్తి "హరిలో రంగ హరీ ఈ లాక్ డౌన్ లో మీ పని నా పని సరిసరి" అన్నట్టుగా ఓ ఎక్స్ ప్రెషన్ ఇచ్చింది. అయినా నరేంద్ర దామోదర్ దాస్ మోడీ గారు ఇండియా లాక్ డౌన్ అని చెప్పారు కానీ ఈ భామ మాత్రం తన అందాలను లాక్ డౌన్ చేసింది. మరి పీఎం గారు చెప్పిన దేశం లాక్ డౌన్ ఈవిడకు ఇలా దేహం లాక్ డౌన్ లాగా అర్థం అయిందేంటో! సినిమాల విషయానికి వస్తే ప్రస్తుతం లావణ్య 'A1 ఎక్స్ ప్రెస్' అనే సినిమాలో నటిస్తోంది.