సోయగాల లావణ్యం.. చూస్తే ధన్యం!

ఏ మంత్రమో అల్లేసిందిలా.. అంటూ 'అందాలరాక్షసి' సినిమాతో టాలీవుడ్ ఫిల్మ్ ఇండస్ట్రీలో అడుగుపెట్టింది డెహ్రడూన్ బ్యూటీ లావణ్య త్రిపాఠి. తన ఫస్ట్ సినిమాతోనే క్యూట్ క్యూట్ అభినయంతో ఆకట్టుకున్న లావణ్య.. టాలీవుడ్ కి మరో తెలుగు అమ్మాయి లాంటి అందం దొరికిందనే ఫీల్ కలిగించింది. ఇక అమ్మడికి తిరుగు ఉండదులే అని అందరూ అనుకున్నారు. భలే భలే మగాడివోయ్, శ్రీరస్తు శుభమస్తు, సోగ్గాడే చిన్ని నాయనా హిట్లతో అభినయానికి అవకాశమున్న పాత్రలనే ఎంచుకుంటూ వస్తుంది ఈ ముద్దుగుమ్మ. కొంతకాలం తరువాత వరుస పరాజయాలతో లావణ్య వెనుక పడిపోయింది. ఇక ఈ హీరోయిన్ కెరీర్ ముగిసినట్టే అని అనుకున్నారు. కానీ చాలా గ్యాప్ తీసుకొని మళ్లీ ఇటీవలే 'అర్జున్ సురవరం' సక్సెస్ తో ఈ 'అందాల రాక్షసి' సక్సెస్ ట్రాక్‌ ఎక్కింది. అందాల రాక్షసి నుండి అర్జున్ సురవరం వరకు లావణ్య ఒక్కసారి కూడా టాప్ హీరోయిన్ హోదా పొందలేక పోయింది.

ఇక తాజాగా అమ్మడు ఇంస్టాగ్రామ్ వేదికగా అందాల విందు ప్రారంభించింది. ప్రస్తుతం లావణ్య యువ కథానాయకులతో చకచకా సినిమాలు లైన్లో పెట్టేసింది. ఈ అమ్మడు ఇటీవలే తమిళంలో 'గద్దలకొండ గణేష్' ఫేమ్ అధర్వ మురళీ సరసన నటించే అవకాశాన్ని దక్కించుకుంది. అలాగే సందీప్ కిషన్ 'ఏ1 ఎక్స్ ప్రెస్' చిత్రంలో లావణ్య హాకీ ప్లేయర్‌గా నటిస్తోంది. వీటితో పాటు కార్తికేయ హీరోగా నటిస్తున్న 'చావు కబురు చల్లగా'లో హీరోయిన్‌గా ఫైనలయింది. ఇదిలా ఉండగా అమ్మడు ఈ మధ్యే ఓ షాకింగ్ స్టేట్ మెంట్ ఇచ్చింది. స్క్రిప్ట్ డిమాండ్ చేస్తే బికినీ ధరించడానికి కూడా సిద్ధమంటోంది ఈ అందాల బ్యూటీ. ఇటీవల ఓటిటి ప్లాట్ ఫామ్ లకు, వెబ్ సిరీస్‌లకు భారీ డిమాండ్ ఉంది కాబట్టి మంచి స్క్రిప్టు దొరికితే తాను వెబ్ సిరీస్ లలో కూడా నటించేందకు సిద్ధం అంటోంది గుమ్మ. తాజాగా లావణ్య ఇంస్టాగ్రామ్ లో ఫోటో పోస్ట్ చేసింది. ఆ ఫోటోలో లావణ్యను చూస్తే ఇట్టే కిక్కెక్కుతుంది అనడంలో సందేహం లేదు. అంతలా ఆకట్టుకుంటోంది మరి లావణ్య లావణ్యం!