అన్నీ ఉన్నా.. అవకాశాలు లేని అందాల రాక్షసి..

లావణ్యా త్రిపాఠి. ఈ అమ్మడి పేరు ఒక్కసారిగా సోషల్ మీడియాలో వైరల్ అవుతోంది. పవన్ కళ్యాణ్ వకీల్ సాబ్ మూవీలో ఆమె సెకండ్ హీరోయిన్ అంటూ అప్పట్లో టాక్ నడిచింది. వకీల్ సాబ్ కి ఒక ఫ్లాష్ బ్యాక్ ఉంది. ఆ ఫ్లాష్ బ్యాక్ లో వచ్చే క్యారక్టర్ లావణ్యా త్రిపాఠీ పోషిస్తుందని ప్రచారం జరిగింది. మరి ఏమైందో ఏమో అది కాస్తా వెనక్కి పోయింది. పవన్ సినిమా చాన్స్ తో న‌క్కను తొక్కానని సంబరపడుతున్న లావణ్యకి ఇది చేదువార్తగా మిగిలిందని అంటున్నారు. ఇదిలా ఉంటే లావణ్య ఇపుడు అబ్బాయి మూవీలో చాన్స్ కోసం ట్రై చేస్తోందని అంటున్నారు. ఆ అబ్బాయి ఎవరో కాదు వరుణ్ తేజ్. వరుణ్ తో కొత్త మూవీలో హీరోయిన్ గా లావణ్య పేరు పరిశీలిస్తున్నారని అంటున్నారు.

ఇంతకు ముందు మిస్టర్ అన్న మూవీలో వరుణ్ తేజ్ తో లావణ్య చేసింది. ఆ మూవీ హిట్ కాకపోయినా మంచి పెయిర్ అనిపించుకున్నారు. ఆ తర్వాత అంతరిక్షంలో కలిసి నటించారు. ఇపుడు ముచ్చటగా మూడోసారి వరుణ్ తో జత కట్టడానికి లావణ్య చూస్తోందట. అది ఫలిస్తే బాబాయి కాకపోయినా అబ్బాయి మూవీతోనైనా మళ్ళీ తెరపైన కనిపిస్తుందేమో చూడాలి.

ఇదిలా ఉంటే అమ్మడికి తెలుగులో మంచి హిట్లే పడ్డాయి. ఆమె నాగార్జున తో చేసిన సోగ్గాడే చిన్న నాయన, నానితో భలే భలే మగాడివోయ్ మూవీలు పెద్ద హిట్. ఆ తరువాత ఆమె చేసిన అనేక సినిమాలు బాగానే ఉందనిపించాయి. ఇక లేటేస్ట్ గా నిఖిల్ తో చేసిన మూవీ అర్జున్ సురవరం కూడా హిట్ అయింది. అయితే లావణ్య కంప్లీట్ ట్రెడిషనల్ మూవీస్ కే పనికివస్తుందని ఒక టాక్ స్ప్రెడ్ అయింది. అదీగాక లావణ్య సీనియర్ హీరోల పక్కన నటించిన కారణంగా యంగ్ హీరోలు సైడ్ చేసేశారు. దాంతో అందాల ఆరబోయడానికి అన్ని ఉన్నా అమ్మడికి అవకాశాలు మాత్రం లేకుండా పోయాయి అని అభిమానులు మాట్లాడుకుంటున్నారు.