కుర్రాళ్లందరూ రాక్షసి వెనకే పడుతున్నారు

కొత్త హీరోయిన్లలో ఎక్కువ ఆఫర్స్ ఉన్న భామ లావణ్య త్రిపాఠి. అచ్చ తెలుగు అమ్మాయిలా కనిపించే లుక్ ఈ అమ్మడికి ప్లస్ పాయింట్. యాక్టింగ్ విషయంలో ఈ అందాల రాక్షసి చూపించే ట్యాలెంట్ అంతా ఇంతా కాదు. అందుకే ఈమెకు వరుసగా ఆఫర్స్ క్యూ కట్టేస్తున్నాయి. రీసెంట్ గా ఓ శర్వానంద్ మూవీలో నటించేందుకు సై అంది లావణ్య త్రిపాఠి.

బీవీఎస్ ఎన్ ప్రసాద్ నిర్మించనున్న శర్వానంద్ మూవీలో లావణ్యనే ఫైనల్ చేశారు. ఇది శర్వాకి 25వ చిత్రం కావడం విశేషం. సోగ్గాడే చిన్ని నాయన తర్వాత అమ్మడికి ఆఫర్ల వరద మొదలైంది. ఇప్పుడు శర్వాతో చేయనున్న చిత్రానికి చంద్రమోహన్ చింతాడ దర్శకత్వం వహించనున్నాడు. ఇతను గతంలో కరుణాకరన్ కి అసిస్టెంట్ గా వర్క్ చేశారు. జూన్ ఒకటవ తేదీ నుంచి ఈ మూవీ రెగ్యులర్ షూటింగ్ మొదలుకానుంది. అయితే.. ఇప్పుడు కుర్రాళ్లందరూ లావణ్య వెనకే పడుతుండడం ఆశ్చర్యం కలిగించే విషయం.

అల్లు శిరీష్ తో నటించిన శ్రీరస్తు శుభమస్తు ఇప్పటికే విడదులకు సిద్ధం కాగా.. శ్రీనువైట్లతో వరుణ్ తేజ్ చేయనున్న మిస్టర్ లోను, సందీప్ కిషన్ తో ఓ తమిళ సినిమాలోను, ఇప్పుడు శర్వానంద్ మూవీలోన ఆఫర్స్ దక్కించుకుంది లావణ్య. కుర్రాళ్లందరూ ఇలా వరుసగా ఛాన్సులు ఇస్తున్నారంటే.. ఇప్పటికి కుర్ర హీరోలకు ఈమే బెస్ట్ ఆప్షన్ అనే విషయం అర్ధమైపోతోంది.