వాళ్ళిద్దరితోనా అఖిల్‌??

అక్కినేని చియాన్ అఖిల్ న‌టించే రెండో సినిమా ఏది? ప‌్ర‌స్తుతం టాలీవుడ్‌ లో హాట్ టాపిక్ ఇది. డెబ్యూ మూవీ అఖిల్ ఫ్లాప్ అవ్వ‌డం ఇప్ప‌టికీ అక్కినేని క్యాంపుకి డైజెస్ట్ కాని విష‌యం. అలాంటి పొర‌పాటు ఇంకెప్పుడూ రిపీట్ కాకూడ‌ద‌న్న‌ది కింగ్ నాగార్జున ఆలోచ‌న‌. అందుకే ఇప్పుడు అఖిల్‌ ని ఎవ‌రి చేతిలో పెట్టాలి. ఏ నిర్ణ‌యం తీసుకోవాలి? అన్న విష‌యంలో ఎంతో త‌డ‌బాటుకు గుర‌వుతున్నారు. నిజ‌మే ఎంతో హోప్‌ తో వినాయ‌క్ లాంటి స్టార్ డైరెక్ట‌ర్ చేతిలో పెడితేనే ఇలా జ‌రిగింది.

ఇప్పుడు అఖిల్‌ ని కొత్త‌గా చూపించే ద‌ర్శ‌కుడెవ‌రు? బ‌న్నికి ఆర్య‌లా - ఎన్టీఆర్‌ కి ఆదిలా క‌మర్షియ‌ల్ హిట్లిచ్చే ద‌ర్శ‌కుడు కావాలిప్పుడు. అయితే స‌రిగ్గా ఇలాంటి డైలెమ్మా న‌డుస్తున్న టైమ్‌ లో అఖిల్ రెండో సినిమా క్యూలో లారెన్స్ మాష్ట‌ర్‌ - దేవా క‌ట్టా పేర్లు వినిపించ‌డం షాకింగ్ అనిపిస్తోంది. కింగ్ నాగార్జున ఈ ఇద్ద‌రిలో ఎవ‌రికైనా అవ‌కాశం ఇచ్చే ఛాన్సుందా? అని విశ్లేషిస్తున్నారంతా. లారెన్స్ మాష్ట‌ర్ హార‌ర్ కామెడీల‌తో సేఫ్ అయిపోయారు కానీ, అత‌డు తెర‌కెక్కించిన సోష‌ల్ మూవీస్ ఏవీ హిట్టెక్కిందే లేదు. అత‌డు తెర‌కెక్కించిన డాన్‌ - రెబ‌ల్ ఫ్లాప్ మూవీస్‌. కాబ‌ట్టి అత‌డిని న‌మ్మి అఖిల్‌ ని అప్ప‌గిస్తాడా? ఇక ఆటోన‌గ‌ర్ సూర్య‌ - డైన‌మైట్ లాంటి ఫ్లాపుల్ని తెర‌కెక్కించిన దేవా క‌ట్టాని న‌మ్మి మ‌రో ఛాన్సిచ్చే సాహసం చేస్తాడా? అంటూ ర‌క‌ర‌కాల విశ్లేష‌ణ‌లు సాగుతున్నాయి.

ఒక‌వేళ జ‌ర‌గ‌కూడ‌ని మిరాకిల్ ఏదైనా జ‌రిగితేనే ఈ ఇద్ద‌రిలో ఎవ‌రికైనా ఛాన్స్ రావొచ్చు. ఓ గొప్ప క‌థ‌ని తెచ్చి ఓకే చేయించుకునే స‌త్తా ఈ ఇద్ద‌రిలో ఉన్నా అఖిల్‌ - నాగార్జున‌కు ఎన్నో సందేహాలు వెంటాడే ఛాన్సుంది.. కాబ‌ట్టి ఈ పేర్లు బైటికి రావ‌డ‌మే పెద్ద కామెడీలా ఉంద‌నిపిస్తోంది. కాల‌మే స‌మాధానం చెబుతుంది. వెయిట్ అండ్ సీ.