త‌మ‌న్నా కావాలంటున్న లారెన్స్‌!

ఇప్పుడు లారెన్స్ య‌మా జోరుమీదున్నాడు. `గంగ‌` సెన్సేష‌న‌ల్ హిట్టుతో ఆయ‌న రేంజే మారిపోయింది. తెలుగులో ఏమో కానీ... త‌మిళంలో మాత్రం లారెన్స్‌కి పిచ్చ క్రేజ్ క‌నిపిస్తోంది. అంతా మాస్ నుంచే ఆయ‌న‌కి ఆద‌ర‌ణ‌. ఆ క్రేజ్‌ ని చూసే ఇండస్ట్రీలో నిర్మాత‌లంతా ఆయ‌న వెన‌కాల ప‌డుతున్నారు. ఆ ఊపులో లారెన్స్ కూడా ఇటీవ‌లే రెండు సినిమాలు మొద‌లుపెట్టాడు. అందులో ఒక‌టి `నాగ‌` కాగా, మ‌రొక‌టి `గుండు శివ మొర‌టు శివ‌`. త‌మిళంతో పాటు తెలుగులోనూ ప్రేక్ష‌కుల ముందుకొస్తున్న ఈ సినిమాలకోసం అంద‌మైన క‌థానాయిక‌ల్ని ఎంపిక చేసుకొనే ప‌నిలో ఉన్నాడు లారెన్స్‌. ఒక సినిమాలో ఇప్ప‌టికే కాజ‌ల్‌ ని ఫిక్స్ చేశాడు. మ‌రో సినిమా కోసం త‌మ‌న్నాని సంప్ర‌దించాడ‌ట‌. క‌థ ఓకే అయితే త‌మ‌న్నా సినిమా చేయ‌డానికి రెడీగా ఉంద‌ట‌. ఇప్ప‌టికే త‌మిళంలో ప్రారంభ‌మైన ఈ రెండు సినిమాలు త్వ‌ర‌లో తెలుగులో కూడా ప్రారంభం కాబోతున్నాయ‌ని తెలిసింది.

హార్ర‌ర్‌, స‌స్పెన్స్‌, కామెడీల్ని మేళ‌వించి సినిమాలు తీయ‌డం లారెన్స్‌ కి బాగా అల‌వాటైంది. `ముని` నుంచి ఆయ‌న అదే జోన‌ర్ ఫాలో అవుతున్నారు. ప్ర‌తీ సినిమా సూప‌ర్ స‌క్సెస్ అవుతోంది. ఇప్పుడు కూడా అదే జోన‌ర్‌ లోనే రెండు క‌థ‌ల్ని సిద్ధం చేసుకొన్నాడు. నాగుపాముల‌తో కూడిన క‌థ‌తో `నాగ‌`నీ, ఒక మొర‌టోడి క‌థ‌తో మ‌రో సినిమాని రాసుకొన్నాడు. ఆ రెండు సినిమాల్ని వీలైనంత త్వ‌ర‌గా తీసుకురావాల‌నే ఆలోచ‌న‌లో ఉన్నాడు లారెన్స్‌. ఆ త‌ర్వాత స్టార్ హీరోల‌తో సినిమాలు చేయాల‌నేది లారెన్స్ ప్లానింగ్‌. `గంగ‌` త‌ర్వాతే ర‌జ‌నీకాంత్‌ తో సినిమా చేయాల‌నుకొన్నాడు లారెన్స్‌. కానీ కుద‌ర్లేదు. ఈసారి హిట్లొస్తే మాత్రం ఆయ‌న‌తో సినిమాలు చేయ‌డానికి స్టార్లు ఎవ్వ‌రైనా ముందుకు రావొచ్చు.