ఈసారి మరింత స్పెషల్‌.. ముసలి 'కాంచన'!

లారెన్స్‌ దర్శకుడిగా పలు సినిమాలు తెరకెక్కించిన కూడా ముని, కాంచన వంటి హర్రర్‌ సినిమాలతోనే దర్శకుడిగా మంచి గుర్తింపు దక్కించుకున్నాడు. అందుకే వరుసగా లారెన్స్‌ ఆ సినిమాలనే ఎక్కువగా చేసేందుకు ఆసక్తి చూపిస్తున్నాడు. ప్రస్తుతం లారెన్స్‌ దర్శకత్వంలో ‘కాంచన 3’ తెరకెక్కుతోంది. తమిళంలో రూపొందుతున్న ఈ సినిమాలో లారెన్స్‌ ప్రధాన పాత్రలో కనిపించనున్నాడు. లారెన్స్‌ ఈసారి మరింత ఎక్కువగా భయపెట్టేందుకు ఈ సినిమాతో సిద్దం అవుతున్నట్లుగా ముందే ప్రకటించాడు.

అన్నట్లుగానే తాజాగా విడుదల చేసిన మోషన్‌ పోస్టర్‌ తోనే లారెన్స్‌ అందరి దృష్టిని ఆకర్షించాడు. లారెన్స్‌ ఓల్డ్‌ గెటప్‌ లోని మోషన్‌ పోస్టర్‌ సినిమాపై అంచనాలు పెంచుతోంది. మోషన్‌ పోస్టర్‌ కు వేసిన ఆర్‌ ఆర్‌ కూడా అదిరి పోయింది. అద్బుతమైన గ్రాఫిక్స్‌ మాయాజాలంతో పాటు - తనదైన శైలి కామెడీతో ఈ చిత్రంను లారెన్స్‌ తెరకెక్కిస్తున్నట్లుగా తెలుస్తోంది.

చిత్రీకరణ దాదాపుగా పూర్తయ్యిందని, త్వరలోనే సినిమా టీజర్‌ ను విడుదల చేసేందుకు ఏర్పాట్లు జరుగుతున్నట్లుగా తెలుస్తోంది. ఈ సినిమాలో లారెన్స్‌ ఎక్కువగా ఓల్డ్‌ గెటప్‌ లో కనిపిస్తాడని ప్రచారం జరుగుతోంది. ఓల్డ్‌ గెటప్‌ కోసం లారెన్స్‌ చాలా కష్టపడ్డట్లుగా చిత్ర యూనిట్‌ సభ్యులు చెబుతున్నారు. తెలుగులో ఈ సినిమాను ఠాగూర్‌ మధు డబ్బింగ్‌ చేసి విడుదల చేయబోతున్నాడు. గతంలో వచ్చిన లారెన్స్‌ హర్రర్‌ సినిమాలను మించి ఇది ఉంటుందని అంటున్నారు. మరింతగా భయపడేందుకు ప్రేక్షకులు కూడా ఆసక్తిగా ఎదురు చూస్తున్నారు. ఎప్పుడు విడుదల కాబోతుందనే విషయంపై త్వరలోనే క్లారిటీ ఇవ్వనున్నారట.