లారెన్స్‌ పీక్స్‌కు వెళ్లిపోయినట్లున్నాడే..

'కాంఛన' సినిమాతో ప్రేక్షకుల్ని బాగానే భయపెట్టాడు లారెన్స్‌. అందులో అతడి విన్యాసాలు... ఆడ వేషం.. మాస్‌ ఆడియన్స్‌ను అలరించాయి. దీంతో ఇప్పుడు 'కాంఛన-2'లో మరింత చెలరేగిపోయినట్లున్నాడు లారెన్స్‌. ఈ సినిమాలో లారెన్స్‌ నాలుగు అవతారాల్లో కనిపిస్తాడని వార్తలొస్తున్నాయి. మర్డర్‌కు గురైన పెద్దావిడ ఆత్మ.. లారెన్స్‌ ఒంట్లోకి ప్రవేశిస్తుందని.. ఆ తర్వాత ఆ క్యారెక్టర్‌ జీవితంలోని వేర్వేరు దశల్ని చూపిస్తారని.. అందుకు తగ్గట్లే లారెన్స్‌ నాలుగు భిన్నమైన అవతారాల్లో కనిపిస్తాడని చెబుతున్నారు.

మొన్నే 'కాంఛన-2' ఫస్ట్‌లుక్‌ రిలీజ్‌ చేసి జనాల్ని ఆకర్షించిన లారెన్స్‌.. తాజాగా మరో లుక్‌ పరిచయం చేశాడు. అందులో అతను పండు ముసలావిడగా కనిపిస్తున్నాడు. ఈ అవతారం జనాలకు షాకిస్తోంది. మేకప్‌ విషయంలో లారెన్స్‌ చాలానే కష్టపడ్డాడని అర్థమవుతోంది. ఇప్పటిదాకా విడుదల చేసిన రెండు పోస్టర్లూ జనాల్లో క్యూరియాసిటీ బాగానే పెంచాయి. ముఖ్యంగా 'కాంఛన' నచ్చిన వాళ్లకు 'కాంఛన-2' మీద అంచనాలు బాగా పెంచేసుకుంటున్నారు. ఇందులో లారెన్స్‌ అఘోరా పాత్ర కూడా పోషించినట్లు వార్తలొస్తున్నాయి. సినిమా విడుదల లోపు అన్ని లుక్స్‌నీ పరిచయం చేస్తాడేమో చూద్దాం.