పాపా నీకేదంటే ఇష్టం..!

రాయ్‌ లక్ష్మి ప్రధాన పాత్రలో రామ్‌ కార్తీక్‌ హీరోగా నటిస్తున్న చిత్రం 'వేర్‌ ఈజ్‌ ది వెంకటలక్ష్మి'. ఈ చిత్రం చాలా రోజులుగా తెలుగు ప్రేక్షకులను ఊరిస్తూ వస్తోంది. రాయ్‌ లక్ష్మి మాత్రమే కాకుండా ఈ చిత్రంలో మరో హీరోయిన్‌ గా పూజిత పొన్నాడ కూడా నటించింది. కామెడీ థ్రిల్లర్‌ గా రూపొందుతున్న ఈ చిత్రం షూటింగ్‌ ముగింపు దశకు చేరుకుంది. సినిమా ప్రమోషన్‌ కార్యక్రమాల్లో భాగంగా ఈ చిత్రానికి సంబంధించిన ఒక మాస్‌ మసాలా పాటను విడుదల చేశారు.

పాప అత్తిలి పాప నీకేదంటే ఇష్టం.. అంటూ సాగే మాస్‌ బీట్‌ సాంగ్‌ ను రిలీజ్‌ చేశారు. ఈ పాటలో రాయ్‌ లక్ష్మితో పాటు కమెడియన్స్‌ మధునందన్‌ మరియు ప్రవీణ్‌ లు కనిపించబోతున్నారు. హరి గౌర ట్యూన్‌ చేసి ఈ పాటను మంగ్లీ తో కలిసి పాడాడు. బుల్లి తెరపై అలరించిన మంగ్లీ ఆమద్య శైలజ రెడ్డి అల్లుడు చిత్రంలో ఒక పాట పాడి అలరించింది. మళ్లీ ఈపాటతో కూడా మాస్‌ ఆడియన్స్‌ ను ఆకట్టుకుంటుంది. ఈ పాట చిత్రీకరణ కూడా ఆకట్టుకునేలా ఉంటుందని విజువల్స్‌ చూస్తుంటే అనిపిస్తుంది. అతి త్వరలోనే ఈ చిత్రాన్ని ప్రేక్షకుల ముందుకు తీసుకు వచ్చేందుకు ఏర్పాట్లు జరుగుతున్నాయి.