`సలార్` నుంచి లీక్డ్ వీడియో.. ప్రభాస్ టీమ్ హ‌ర్ట్!

యంగ్ రెబల్ స్టార్ ప్రభాస్ బ్యాక్ టు బ్యాక్ సినిమాల‌తో క్ష‌ణం తీరిక లేనంత బిజీగా ఉన్నారు. ప్ర‌స్తుతం స‌లార్ .. ఆదిపురుష్ ఒక‌దాని త‌ర్వాత ఒక‌టిగా షెడ్యూళ్ల‌ చిత్రీక‌ర‌ణ‌లు సాగుతున్నాయి. ఈ లైనప్ లో సాలార్ అత్యంత క్రేజీ ప్రాజెక్ట్. స‌లార్ కి KGF ఫేమ్ ప్రశాంత్ నీల్ దర్శకత్వం వహిస్తున్నారు. స‌లార్ మ‌రో భారీ యాక్ష‌న్ చిత్రం. ఈ సినిమా ని శ‌ర‌వేగంగా పూర్తి చేసేందుకు ప్ర‌భాస్ త‌న‌వంతు హార్డ్ వ‌ర్క్ చేస్తున్నారు.

సాలార్ షూటింగ్ స్పాట్ లో ప్రభాస్ లుక్ కి సంబంధించిన ఓ చిన్న‌ వీడియో సోషల్ మీడియాలో లీకైంది. ఇది సినిమాలో సన్నివేశానికి సంబంధించినది కాదు.. కానీ సాలార్ షూటింగ్ స్పాట్ లో ప్రభాస్ గెట‌ప్ ని రివీల్ చేస్తోంది. అత‌డు భీక‌ర‌మైన రూపంతో క‌నిపిస్తున్నాడు. మాఫియా ప్ర‌పంచంలో ఎదురేలేని వీరుడిగా అత‌డి రూపం ఆశ్చ‌ర్య‌ప‌రుస్తోంది.

అయితే ఈ లుక్ చూసి అభిమానులు ఎగ్జ‌యిట్ అవూతూ వీడియోని వైర‌ల్ చేస్తున్నారు. కోవిడ్ రెండవ వేవ్ తర్వాత షూటింగ్ ని తిరిగి ప్రారంభించాక ఇది కొత్త లుక్ అని చెప్పాలి. అయితే ఇలా లీక్డ్ ఫుటేజ్ బ‌య‌టికు రావ‌డంతో చిత్ర‌బృందం సీరియ‌స్ గా ఉంద‌ని స‌మాచారం. స‌లార్ చిత్రం 2022 ఏప్రిల్ 22న‌ సమ్మర్ స్పెషల్ గా విడుదల కానుంది. దాదాపు 150-200కోట్ల బ‌డ్జెట్ తో ఈ చిత్రాన్ని తెర‌కెక్కిస్తున్నార‌ని క‌థ‌నాలొస్తున్నాయి. హోంబ‌లే సంస్థ ఈ మూవీని పాన్ ఇండియా కేట‌గిరీలో విడుద‌ల చేయ‌నుంది. ప్రశాంత్ నీల్ తదుపరి చిత్రం KGF 2 విడుదలై KGF లాగా హిట్ అయితే ప్ర‌భాస్ స‌లార్ పై ఉన్న‌ క్రేజ్ మ‌రో స్థాయికి చేరుతుంద‌న‌డంలో ఎలాంటి సందేహం లేదు. ఈ సినిమా త‌ర్వాతా డార్లింగ్ న‌టించిన ఆదిపురుష్ 3డి .. నాగ్ అశ్విన్ తో సైన్స్ ఫిక్ష‌న్ చిత్రాలు అంత‌కుమించి అనే లెవ‌ల్ లో విడుద‌ల కానున్నాయి.