ఫ్యాన్స్ కొట్టుకు చ‌స్తుంటే వీళ్ల‌తో మ‌ల్టీస్టార‌రా!

త‌మిళ స్టార్ హీరోలు అజిత్ - విజ‌య్ క‌లిసి ఓ సినిమాలో న‌టిస్తే ఎలా ఉంటుంది? స‌రిగ్గా ఇలాంటి ఆలోచ‌నే చేశాడు ఆ యాక్ష‌న్ కొరియోగ్రాఫ‌ర్ కం డైరెక్ట‌ర్ లీ విట్టేక‌ర్. త‌ళా అజిత్ - ఇల‌య‌ద‌ళ‌ప‌తి విజ‌య్ కాంబినేష‌న్ లో ఓ భారీ ఇంట‌ర్నేష‌న‌ల్ సినిమా తీయాల‌నుంద‌ని మ‌న‌సులో మాట బ‌య‌ట‌పెట్టాడు. ల‌గ్గమెట్టేశాం.. త‌న్నుకు చావండి! అన్న‌ట్టే ఉంది ఈ తంతు!

ఓవైపు అజిత్ ఫ్యాన్స్ .. విజ‌య్ ఫ్యాన్స్ ఒక‌రిపై ఒక‌రు క‌స్సుబుస్సు మంటూ గొడ‌వ‌కు దిగుతున్నారు. సామాజిక మాధ్య‌మాల వేదిక‌గా ఒక‌రిపై ఒక‌రు విరుచుకుప‌డుతూ వార్ న‌డిపిస్తున్నారు. అజిత్ ఫ్యాన్స్ ఏకంగా విజ‌య్ చ‌నిపోయాడంటూ శ్ర‌ద్ధాంజ‌లి ఘ‌టించారు. దానికి ధీటుగా త‌ళా ఫ్యాన్స్ రివ‌ర్స్ కోటా ఇచ్చారు. ఈ ఎపిసోడ్స్ ఇలా ర‌న్ అవుతుండ‌గానే స‌ద‌రు యాక్ష‌న్ డైరెక్ట‌ర్ ఈ చిలిపి ఆలోచ‌న‌ను బ‌య‌ట పెట్ట‌డం ఆస‌క్తి రేకెత్తిస్తోంది.

అయితే ఇది సాధ్య‌మేనా? ఆయ‌న కోరిక ఫ‌లించి అజిత్ - విజ‌య్ కాంబినేష‌న్ మ‌ల్టీస్టార‌ర్ సెట్స్ పైకి వెళ్లే వీలుందా? అంటే ఇప్ప‌ట్లో ఛాన్సే లేద‌ని అర్థ‌మ‌వుతోంది. మ‌రో ఆస‌క్తిక‌ర‌మైన విష‌యం ఏమంటే రాజ‌కీయంగానూ ఆ ఇద్ద‌రు హీరోలు ప‌ర‌స్ఫ‌ర విరుద్ధం. అమ్మ జ‌య‌ల‌లిత‌కు బ‌ద్ధ విరోధిగా ద‌ళ‌ప‌తి విజ‌య్ పాపుల‌రైతే.. అమ్మ‌కు ఒక కొడుకు లాంటి వాడిగా అజిత్ పాపుల‌ర‌య్యారు. అందుకే ఫ్యాన్స్ మ‌ధ్య ఆ నిరంత‌ర యుద్ధం అంతూ ద‌రీ లేకుండా సాగుతోంది. ఈ వివాదాల‌కు ఎండ్ కార్డ్ వేయ‌లేక హీరోలిద్ద‌రూ న‌లిగిపోతున్నారు. విజ‌య్ - అజిత్ క‌లిసి జ‌మానా కాలంలో `జాజ‌విన్ పార‌వైయిలే` అనే చిత్రంలో న‌టించారు. ఆ త‌ర్వాత ఎవ‌రిదారిలో వాళ్లు వెళ్లి పెద్ద స్టార్లు అయ్యారు. సూప‌ర్ స్టార్లుగా ఎదురే లేని వాళ్లుగా ఎదిగారు. ఈ టైమ్ లో ఈగోల్ని ప‌క్క‌న పెట్టి క‌లుస్తారా? అన్న‌ది కాస్త క‌ష్ట‌మే. ఇక ఆ ఇద్ద‌రినీ క‌లిపి సినిమా తీయాల‌ని ఆశ‌ప‌డుతున్న లీ విట్టేక‌ర్ చిన్న‌వాడేం కాదు. అత‌డు బాహుబ‌లి సిరీస్ తో పాటు విశ్వ‌రూపం లాంటి భారీ యాక్ష‌న్ చిత్రాల‌కు ఫైట్స్ కొరియోగ్రాఫ్ చేశారు. హాలీవుడ్ నుంచి సౌత్ కి వ‌చ్చి ఏల్తున్నాడు. విజ‌య్ .. అజిత్ ఇద్ద‌రికీ ఫైట్స్ కొరియోగ్ర‌ఫీ చేసిన అనుభ‌వం ఉంది. అందుకే ఈ చిలిపి కోరిక కోరాడ‌న్న‌మాట‌! ప్ర‌పంచ‌వ్యాప్తంగా సౌత్ మార్కెట్ విస్త‌రిస్తున్న వేళ ఈ కాంబినేష‌న్ కుదిరితే అదో వండ‌ర్ అవుతుందేమో.