కంగనాతో ధోని-కోహ్లి-అశ్విన్ సయ్యాట

క్రికెటర్లుగా కొంచెం స్టార్ ఇమేజ్ సంపాదిస్తే చాలు.. ఆటోమేటిగ్గా బోలెడన్ని అడ్వర్ టైజ్ మెంట్లు వచ్చి ఒళ్లో వాలతాయి. ప్రస్తుత భారత నెంబర్ వన్ క్రికెటర్ విరాట్ కోహ్లితో పాటు కెప్టెన్ కూల్ మహేంద్ర సింగ్ ధోని ఇప్పటికే బోలెడన్ని యాడ్స్ చేశారు. ఐతే వీళ్లిద్దరూ కలిసి మాత్రం యాడ్స్ చేయడం అరుదు. ఓ స్మార్ట్ ఫోన్ కోసం టెస్టు కెప్టెన్.. వన్డే కెప్టెన్ కలిసి ఓ కమర్షియల్ చేశారు. ఇందులో స్పిన్నర్ రవిచంద్రన్ అశ్విన్ తో పాటు బాలీవుడ్ అగ్ర హీరోయిన్ కంగనా రనౌత్ కూడా నటించడం విశేషం. యాడ్ కూడా ఆసక్తికరంగా రూపొందించడంతో ప్రస్తుతం ఇది ఇంటర్నెట్ లో వైరల్ అవుతోంది. ఇంతకీ ఈ యాడ్లో ఏముందో చూద్దాం పదండి.

ముందు అశ్విన్ ఓ స్మార్ట్ ఫోన్లో కంగనా రనౌత్ డ్యాన్స్ చేస్తున్న వీడియో ఒకటి చూస్తుంటాడు. అదే సమయానికి ధోని.. కోహ్లి వచ్చి గోడ చాటు నుంచి అశ్విన్ ను గమనిస్తుంటటారు. ఇంతలో అక్కడికి కంగనా రనౌత్ వస్తుంది. ఆమెను అక్కడే ఉంచి ఇద్దరూ అశ్విన్ దగ్గరికెళ్తారు. మళ్లీ కంగనానే చూస్తున్నావా అని అతణ్ని అడుగుతారు. దానికి అశ్విన్ బదులిస్తూ.. ఇదేం ఫోన్ చెత్తగా ఉంది.. ఇందులో పిక్చర్ క్వాలిటీ లేదంటూ విసుక్కుంటాడు. అప్పుడు ధోని-కోహ్లి ‘లైఫ్’ అనే స్మార్ట్ ఫోన్ అతడి చేతికి అందిస్తారు. ఇందులో చూడు కంగనాను చూడు.. పిక్చర్ క్వాలిటీ అదిరిపోద్ది.. ఒక్కసారి స్క్రీన్ టచ్ చేస్తే కంగానానే స్వయంగా వచ్చి నీ ముందు వాలినట్లు అనిపిస్తుంది అంటారు. అశ్విన్ ఆ ఫన్ స్క్రీన్ టచ్ చేయగానే.. గోడ చాటున దాక్కున్న కంగనా అతడి ముందుకొచ్చి డాన్స్ చేస్తుంది. ఆమెతో కలిసి మిగతా వాళ్లు కూడా డ్యాన్స్ చేస్తారు. ఇదీ ఆ వీడియో కథ.