క్లైమాక్స్ మాత్రమే బాకీ అంటున్న డాషింగ్ డైరెక్టర్..!

టాలీవుడ్ డాషింగ్ డైరెక్టర్ పూరీ జగన్నాథ్, యువసంచలనం విజయ్ దేవరకొండ కాంబినేషన్ లో తెరకెక్కుతున్న సినిమా లైగర్. ఎంతో ప్రతిష్టాత్మకంగా రూపొందుతున్న ఈ సినిమా పాన్ ఇండియా రేంజిలో వివిధ భాషల్లో విడుదల కాబోతుంది. ఇప్పటికే ఫస్ట్ లుక్, పోస్టర్ లతో సినిమా పై మంచి బజ్ క్రియేట్ చేశారు మేకర్స్. విజయ్ హెయిర్ స్టైల్, ఆటిట్యూడ్ అన్నికూడా ఈ సినిమాలో డిఫరెంట్ గా ఉండబోతున్నాయి. ఎందుకంటే పూరీ సినిమా అంటేనే సినిమాలో హీరోలకు ఓ యూనిక్ బాడీ లాంగ్వేజ్ ఉంటుంది. ఇప్పుడు పూరీ దర్శకత్వంలో విజయ్ దేవరకొండ సినిమా అంటే ఎలాంటి ట్రెండ్ సృష్టిస్తారో అని అభిమానులు ఎదురు చూస్తున్నారు.

ప్రస్తుతం శరవేగంగా షూటింగ్ జరుపుకుంటున్న లైగర్ మూవీ.. కీలక షెడ్యూల్స్ అన్ని పూర్తి చేసుకుందని సమాచారం. అలాగే కేవలం క్లైమాక్స్ షెడ్యూల్ మాత్రమే మిగిలి ఉన్నట్లు తెలుస్తుంది. బాక్సింగ్ నేపథ్యంలో తెరకెక్కుతున్న ఈ సినిమాను పాన్ ఇండియా రిలీజ్ ప్లాన్ చేసారంటే సినిమాలో ఖచ్చితంగా ఓ మంచి మెసేజ్ తో పాటు బలమైన స్టోరీ ఉండి ఉంటుందని అంచనా వేస్తున్నాయి సినీవర్గాలు. ఇదివరకే లైగర్ రిలీజ్ డేట్ కూడా ప్రకటించిన సంగతి తెలిసిందే. ఈ ఏడాది సెప్టెంబర్ 9న సినిమా దేశవ్యాప్తంగా గ్రాండ్ రిలీజ్ కానుంది. ఇదిలా ఉండగా.. ఈ సినిమాను కరణ్ జోహార్, పూరీ జగన్నాథ్, ఛార్మి సంయుక్తంగా నిర్మిస్తున్నారు. ఈ సినిమాతో అనన్యపాండే సౌత్ ఇండస్ట్రీలో అడుగు పెట్టనుంది. చూడాలి మరి సాలా క్రాస్ బ్రీడ్ ఏం చేయనుందో..!