ట్రైల‌ర్ టాక్ : రౌడీ స్టార్ విశ్వరూపం..ఆగ్ అంటించేలా వున్నారే!

టాలీవుడ్ సెన్సేష‌న్ విజ‌య్ దేవ‌ర‌కొండ న‌టిస్తున్న లేటెస్ట్ యాక్షన్ ఎంట‌ర్ టైన‌ర్‌ `లైగ‌ర్‌`. `సాలా క్రాస్ బీడ్` అని ట్యాగ్ లైన్‌. అన‌న్య పాండే ఈ మూవీ ద్వారా తెలుగు తెర‌కు ప‌రిచ‌యం అవుతుండ‌గా ఇదే సినిమాతో విజ‌య్ దేవ‌ర‌కొండ బాలీవుడ్ కు ఎంట్రీ ఇస్తున్నారు. వెర్స‌టైల్ డైరెక్ట‌ర్ పూరి జ‌గ‌న్నాథ్ అత్యంత ప్ర‌తిష్టాత్మ‌కంగా ఓ స‌వాల్ గా స్వీక‌రించి తెర‌కెక్కించిన మూవీ ఇది. విజ‌య్ దేవ‌ర‌కొండ‌, పూరి దాదాపు మూడేళ్లుగా ఈ మూవీ కోసం శ్ర‌మించారు. హై వోల్టేజ్ యాక్ష‌న్ డ్రామాగా రూపొందించారు. విజ‌య్ కెరీర్ లోనే తొలి యాక్ష‌న్ మూవీ ఇది. పూరి, చార్మిల‌తో క‌లిసి బాలీవుడ్ ప్రొడ్యూస‌ర్ క‌ర‌ణ్ జోహార్ నిర్మించారు.

పాన్ ఇండియా స్థాయిలో రూపొందిన ఈ మూవీ ఎప్పుడెప్పుడు విడుద‌ల‌వుతుందా అని విజ‌య్ దేవ‌ర‌కొండ ఫ్యాన్స్ ఆస‌క్తిగా ఎదురుచూస్తున్నారు. ట్రైల‌ర్ కోసం కూడా గ‌త కొంత కాలంగా వెయిట్ చేస్తున్నారు. ఎట్ట‌కేల‌కు వారి ఆశ‌లు ఫ‌లించి ట్రైల‌ర్ గురువారం విడుద‌లైంది. తెలుగు ట్రైల‌ర్ ని మెగాస్టార్ చిరంజీవి, పాన్ ఇండియా స్టార్ ప్ర‌భాస్ సోష‌ల్ మీడియా వేదిక‌గా విడుద‌ల చేశారు. హిందీ ట్రైల‌ర్ ని ర‌ణ్ వీర్ సింగ్‌, మ‌ల‌యాళ ట్రైలర్ ని దుల్క‌ర్ స‌ల్మాన్ రిలీజ్ చేశారు.

ఫ‌స్ట్ గ్లింప్స్ తో విజ‌య్ దేవ‌ర‌కొండ క్యారెక్ట‌ర్ ని రివీల్ చేశారు. గురువారం విడుద‌ల చేసిన ట్రైల‌ర్ మాత్రం `లైగ‌ర్` వ‌ర‌ల్డ్ ఎంత వైల్డ్ గా వుంటుంతో ప‌రిచ‌యం చేస్తోంది. విజ‌య్ దేవ‌ర‌కొండ రింగ్ లోకి ఎంట‌ర‌వుతున్న విజువ‌ల్స్ తో చుట్టూ హెవీ క్రౌడ్ తో ట్రైల‌ర్ మొద‌లైంది. `ఒక‌ ల‌య‌న్ కి టైగ‌ర్ కి పుట్టిండాడు.. క్రాస్ బీడ్ సార్ నా బిడ్డా... అంటూ ర‌మ్య‌కృష్ణ చెప్పే ప‌వ‌ర్ ఫుల్ డైలాగ్స్ ట్రైల‌ర్, సినిమా ఎంత ఫోర్స్ గా వుంటుందో స్ప‌ష్టం చేస్తోంది.

బ‌రిలో దిగ‌కుండానే విజ‌య్ దేవ‌ర‌కొండ ప్ర‌త్య‌ర్ధుల‌పై గ‌ల్లీల్లో త‌న ప్ర‌తాపాన్ని చూపిస్తున్నయాక్ష‌న్ విజువ‌ల్స్‌, లోక‌ల్ ట్రైన్ ఫైట్‌.. అన‌న్య పాండేతో రొమాన్స్‌, మైక్ టైస‌న్ బ్యాచ్ ని `నేను ఫైట‌ర్ ని అంటూ స‌వాల్ చేయ‌డం..నువ్వు ఫైట‌ర్ అయితే మ‌రి నేనేంటీ? ... అని మైక్ టైస‌న్ అన‌డం... కింగ్ లో ప‌డిపోయిన విజ‌య్ ని హెచ్చ‌రిస్తూ ర‌మ్య‌కృష్ణ ఉట్ జా సాలే.. అంటూ హెచ్చ‌రించ‌డం.. రోనిత్ రాయ్ దండిస్తున్న విజువ‌ల్స్‌.. న‌త్తితో మాట‌లు ప‌ల‌క‌లేని స్థితిలో `ల‌వ్ ... ` అంటూ విజ‌య్ ప్ర‌య‌త్నిస్తుండ‌టం.. ఛాయ్ బండీ వాలా బాక్సింగ్ లో వ‌ర‌ల్డ్ ఛాంపియ‌న్ గా నిలిచిన తీరు... సినిమాపై అంచ‌నాల్ని పెంచేస్తోంది.

ఒక విధంగా చెప్పాలంటే విజ‌య్ దేవ‌ర‌కొండ ఈ సినిమాతో మ‌రోసారి `అర్జున్ రెడ్డి` త‌ర‌హాలో త‌న న‌ట‌విశ్వ‌రూపాన్ని చూపించిన‌ట్టుగా తెలుస్తోంది. యాక్ష‌న్ స‌న్నివేశాల్లోనే కాకుండా యాక్టింగ్ ప‌రంగానూ త‌న స‌త్తాని మ‌రోసారి చూపించబోతున్న‌ట్టుగా తెలుస్తోంది. సినిమాలోని ప్ర‌తీ స‌న్నివేశం, విజ‌య్ దేవ‌ర‌కొండ‌, ర‌మ్య‌కృష్ణ ప‌లికిన మాస్ డైలాగ్స్ మాస్ ని మెప్పించేలా వున్నాయి. మ‌ద‌ర్ సెంటిమెంట్‌, కిక్ బాక్సింగ్ నేప‌థ్యంలో సాగే సిర‌నిమాగా ఈ మూవీని పూరి తెర‌కెక్కించారు. ట్రైల‌ర్ లోని డైలాగ్ లు, విజ‌య్ దేవ‌ర‌కొండ‌, ర‌మ్య‌కృష్ణ ల పాత్ర‌ల‌ని మ‌లిచిన తీరు ఆస‌క్తిక‌రంగా వుంది. పూరి జ‌గ‌న్నాథ్ త‌న క‌లాన్ని ఝుళిపించిన‌ట్టుగా డైలాగ్ లున్నాయి. ప‌వ‌ర్ ఫుల్ మాస్ యాక్ష‌ప‌న్ ఎంట‌ర్ టైన‌ర్ గా రూపొందిన ఈ మూవీతో టీచ‌ర్ లో చెప్పిన‌ట్టుగానే ఆగ్ అంటించేలా వున్నారు. భారీ అంచ‌నాలు నెల‌కొన్న ఈ మూవీని ఆగ‌స్టు 25న అత్యంత భారీ స్థాయిలో రిలీజ్ చేస్తున్నారు.