ఎమోషనల్ 'క్లైమాక్స్'తో లైగర్..!

డాషింగ్ డైరెక్టర్ పూరీ జగన్నాథ్ సినిమా అంటేనే యూత్ మొత్తం క్రేజ్ తో ఊగిపోతారు. అలాంటి మాస్ క్లాస్ మిక్స్ అయినటువంటి డైరెక్టర్ - యూత్ ఫేవరేట్ రౌడీహీరో విజయ్ దేవరకొండ కాంబినేషన్ లో తెరకెక్కుతున్న సినిమా అంటే క్రేజ్ ఎలా ఉంటుందో చెప్పాల్సిన అవసరం లేదు. వీరి కాంబినేషన్ లో తెరకెక్కుతున్న స్పోర్ట్స్ డ్రామా యాక్షన్ మూవీ లైగర్. ఎంతో ప్రతిష్టాత్మకంగా రూపొందుతున్న ఈ సినిమా పాన్ ఇండియా రేంజిలో వివిధ భాషల్లో విడుదల కాబోతుంది. ఇప్పటికే ఫస్ట్ లుక్, పోస్టర్ లతో సినిమా పై మంచి బజ్ క్రియేట్ చేశారు మేకర్స్. ముఖ్యంగా పూరీ హీరో అంటే వేరే లుక్ ఆటోమాటిక్ గా వచ్చేస్తుంది.

అలాగే ప్రస్తుతం లైగర్ లో విజయ్ హెయిర్ స్టైల్, ఆటిట్యూడ్ అన్నికూడా ఈ సినిమాలో డిఫరెంట్ గా ఉండబోతున్నాయట. ఎందుకంటే పూరీ సినిమాలో హీరోలకు ఓ యూనిక్ బాడీ లాంగ్వేజ్ ఉంటుంది. ఇప్పుడు పూరీ దర్శకత్వంలో విజయ్ దేవరకొండ సినిమా అంటే ఎలాంటి ట్రెండ్ సెట్ చేస్తారో అని ఫ్యాన్స్ వెయిటింగ్. ప్రస్తుతం శరవేగంగా షూటింగ్ జరుపుకుంటున్న లైగర్ మూవీ.. కీలక షెడ్యూల్స్ అన్ని పూర్తి చేసుకుందని సమాచారం. అలాగే కేవలం క్లైమాక్స్ షెడ్యూల్ మాత్రమే మిగిలి ఉన్నట్లు తెలుస్తుంది. బాక్సింగ్ నేపథ్యంలో తెరకెక్కుతున్న ఈ సినిమాను పాన్ ఇండియా రిలీజ్ ప్లాన్ చేసారంటే సినిమాలో ఖచ్చితంగా ఓ మంచి మెసేజ్ తో పాటు బలమైన స్టోరీ ఉండి ఉంటుందని సినీవర్గాలు అంచనా వేస్తున్నాయి.

ఇదిలా ఉండగా.. ఇదివరకు లైగర్ రిలీజ్ డేట్ కూడా ప్రకటించిన సంగతి తెలిసిందే. ఈ ఏడాది సెప్టెంబర్ 9న సినిమా దేశవ్యాప్తంగా గ్రాండ్ రిలీజ్ కానుండగా ప్రస్తుతం కరోనా నేపథ్యంలో సినిమా షూటింగ్ నిలిచిపోయింది. కేవలం క్లైమాక్స్ బాలన్స్ ఉండగా ఆ క్లైమాక్స్ గురించి ప్రస్తుతం సోషల్ మీడియాలో పలు వార్తలు చక్కర్లు కొడుతున్నాయి. ఏంటంటే.. సినిమాలో క్లైమాక్స్ సన్నివేశాలు చాలా ఎమోషనల్ గా మెసేజ్ ఇవ్వనున్నట్లు టాక్. అలాగే సినిమా క్లైమాక్స్ కూడా దాదాపు 15నిముషాలు ఉంటుందని సినీవర్గాలలో రూమర్స్ హల్చల్ చేస్తోంది. ఈ సినిమాను కరణ్ జోహార్, పూరీ జగన్నాథ్, ఛార్మి సంయుక్తంగా నిర్మిస్తున్నారు. ఈ సినిమాతో అనన్యపాండే సౌత్ ఇండస్ట్రీలో అడుగు పెట్టనుంది.