'లైగర్' వర్క్ ఫ్రమ్ హోమ్.. టీజర్ కోసమేనా..?

సెన్సేషనల్ స్టార్ విజయ్ దేవరకొండ నటిస్తున్న హై వోల్టేజ్ యాక్షన్ ఎంటర్టైనర్ ''లైగర్''. 'సాలా క్రాస్ బ్రీడ్' అనేది దీనికి ట్యాగ్ లైన్. మిక్డ్స్‌ మార్షల్‌ ఆర్ట్స్‌ కథాంశంతో డాషింగ్ డైరెక్టర్ పూరీ జగన్నాథ్ ఈ చిత్రాన్ని తెరకెక్కిస్తున్నారు. పాన్ ఇండియా స్థాయిలో రూపొందుతున్న ఈ సినిమా షూటింగ్ చివరి దశలో ఉంది. అయితే తాజాగా వీడీ సోషల్ మీడియా వేదికగా వర్క్ ఫ్రమ్ హోమ్ చేస్తున్నట్లు వెల్లడించారు.

''మీ అబ్బాయి తిరిగి వచ్చాడు - వర్క్ ఫ్రమ్ హోమ్. విషయాలను కదిలిద్దాం'' అని విజయ్ దేవరకొండ ట్వీట్ చేస్తూ.. ఓ ఫోటోని షేర్ చేశారు. ఇందులో విజయ్ మైక్ ముందు నిలబడి, ఒక చేతిలో కాపీ కప్ పట్టుకొని.. మరో చేతిలో డైలాగ్ పేపర్ పట్టుకొని చదువుతున్నాడు. దీనిని బట్టి యంగ్ హీరో ఇంటి వద్ద నుంచే డబ్బింగ్ చెప్పడం స్టార్ట్ చేసినట్లు తెలుస్తోంది. అయితే ఇది పక్కా 'లైగర్' టీజర్ కోసమే అయి ఉంటదని విజయ్ ఫ్యాన్స్ కామెంట్స్ చేస్తున్నారు. ఇంట్లోనే డబ్బింగ్ చెబుతున్నాడంటే అది ఏదో కమర్షియల్ యాడ్ కోసమే అని మరికొందరు అంటున్నారు.

ఏదేమైనా రౌడీ బాయ్ వీడీ మళ్ళీ వర్క్ లోకి దిగానని చెప్పడంతో ఫ్యాన్స్ ఖుషీ అవుతున్నారు. వారి ఉత్సాహాన్ని రెట్టింపు చేయడానికి త్వరలోనే 'లైగర్' టీజర్ వదులుతారేమో చూడాలి. ఇకపోతే ఇన్నాళ్లూ సౌత్ స్టార్ గా ఉన్న విజయ్ దేవరకొండ.. ఈ సినిమాతో పాన్ ఇండియా స్టార్ గా మారిపోనున్నాడు. దీని కోసం యువ హీరో చాలా హార్డ్ వర్క్ చేస్తున్నాడు. కిక్ బాక్సర్ గా కనిపించడానికి రౌడీ హీరో మిక్స్డ్ మార్షల్ ఆర్ట్స్ లో శిక్షణ తీసుకున్నాడు. భారీ వర్కవుట్స్ చేసి సిక్స్ ప్యాక్ బాడీతో కంప్లీట్ మేకోవర్ అయ్యాడు. ఇప్పటికే విడుదలైన 'లైగర్' ఫస్ట్ లుక్ విశేష స్పందన తెచ్చుకుంది.

'లైగర్' చిత్రంలో విజయ్ దేవరకొండ సరసన బాలీవుడ్ బ్యూటీ అనన్య పాండే హీరోయిన్ గా నటిస్తోంది. విలక్షణ నటి రమ్యకృష్ణ కీలక పాత్ర పోషిస్తుండగా.. రోనీత్ రాయ్ - ఆలీ - విషు రెడ్డి - మకరంద్ దేశ్ పాండే - గెటప్ శీను తదితరులు ఇతర పాత్రల్లో నటిస్తున్నారు. ఈ చిత్రానికి మణిశర్మ - తనీష్ బాగ్చి సంగీతం సమకూరుస్తున్నారు. విష్ణు శర్మ సినిమాటోగ్రఫీ అందిస్తుండగా.. జునైద్ సిద్దిఖీ ఎడిటింగ్ వర్క్ చేస్తున్నారు. జాకీచాన్ చిత్రాలకు వర్క్ చేసిన ప్రముఖ హాలీవుడ్ స్టంట్ కొరియోగ్రాఫర్ ఆండీ లాంగ్ వర్క్ 'లైగర్' కోసం యాక్షన్ సీక్వెన్స్ లు డిజైన్ చేస్తున్నారు. పూరీ కనెక్ట్స్ మరియు ధర్మ ప్రొడక్షన్స్ పతాకాలపై పూరీ - ఛార్మీ కౌర్ - కరణ్ జోహార్ కలిసి ఈ చిత్రాన్ని నిర్మిస్తున్నారు.