నాటి మేటిస్టార్లంతా ఒకే ప్రేమ్ లో చిక్కారిలా!

మెగాస్టార్ చిరంజీవి-విశ్వ‌న‌టుడు క‌మ‌ల్ హాస‌న్-న‌ట సామ్రాట్ నాగార్జున‌- న‌ట‌సింహ బాల‌కృష్ణ అంతా ఒకే జ‌న‌రేష‌న్ హీరోలు. 80-90 ద‌శాకాల్లో హీరోలంతా క‌లిసి ప‌నిచేసారు. లాంచింగ్ విష‌యంలో వెనుకా..ముందు అవ్వొచ్చు గానీ అంతా స‌మ‌కాలీకులే. ఒక హీరో సినిమాలు మ‌రో హీరోకి పోటాపోటీగా రిలీజ్ అయ్యేవి. బాక్సాఫీస్ వ‌ద్ద నువ్వా? నేనా? అన్న రేంజ్ లో పోటీ వాతావ‌ర‌ణం ఉండేది. అప్ప‌ట్లో అభిమాన సంఘాల మ‌ధ్య పోటీ కూడా అలాగే ఉండేది.

త‌మ అభిమాన హీరో సినిమా రిలీజ్ అవుతుందంటే? ముందు రోజు థియేట‌ర్ ఏ రేంజ్ లో ముస్తాబయ్యేదో ..హ‌డావుడి..హంగామా ఎలా ఉండేదో చెప్పాల్సిన ప‌నిలేదు. అలా అభిమానుల మ‌ధ్య వైరాలు..వైశమ్యాలు ఇప్ప‌టితో పోలిస్తే అప్పుడు పీక్స్ లో ఉండేవి.

హీరోల మ‌ధ్య సైతం ఈగో ప్యాక్ట‌ర్ ఎక్కువ‌గా క‌నిపించేది. ఇప్ప‌టిలా పాత రోజుల్లో ఒక హీరో ఫంక్ష‌న్ కి మ‌రో హీరో అటెండ్ అవ్వ‌డం అన్న‌ది చాలా రేర్ గా జ‌రిగేది. అయితే చిరంజీవి-నాగార్జున‌-క‌మ‌ల్ స్నేహం ఈనాటిది కాద‌ని రుజువు చేసే మ‌రో పిక్ ఒక‌టి తాజాగా నెట్టింట వైర‌ల్ గా మారింది.

కుడివైపున చిరంజీవి ఆ ప‌క్క‌నే బాల‌కృష్ణ అటుపై క‌మ‌ల్ హాస‌న్..ఆ చివ‌ర‌న నాగార్జున న‌లుగురు క‌లిసి ఇలా ఓ సంద‌ర్భంలో ఫోటో దిగారు. ఒకే ప్రేమ్ లో ఆ న‌లుగురు స్టార్ల‌ని ఇలా బంధించారు. చిరంజీవి క్యాజువ‌ల్ వేర్స్ లో ట‌క్ చేయ‌గా..బాల‌య్య బ్లూ జీన్స్ ధ‌రించి క్యాజువ‌ల్ ష‌ర్ట్ తో ట‌క్ చేసి క‌నిపిస్తున్నారు.

ఇక క‌మ‌ల్ హాస‌న్ బ్లాక్ అండ్ బ్లాక్ జీన్స్..టీష‌ర్టు ధ‌రించారు. నాగార్జున స‌ర్ప్ క‌ల‌ర్ నెక్ బ‌నియ‌న్.. ఆపైన బ్లాక్ డిజైన్ తో ఉన్న కోట్ ధ‌రించారు.

ఏదో సినిమా ఈవెంట్ లోనే ఈ న‌లుగురు ఇలా క‌లిసి ఫోటో దిగిన‌ట్లు తెలుస్తోంది. ఓల్డ్ ఈజ్ గోల్డ్ పిక్ సోష‌ల్ మీడియాలో స‌మ్ థింగ్ స్పెష‌ల్ గా ఫోక‌స్ అవుతుంది. ఆ ఫోటోలో న‌లుగురు హీరోల వ‌య‌సు 30 నుంచి 40 ఏళ్ల మ‌ధ్య‌లో ఉండొచ్చు అని అభిమానులు గెస్ చేస్తున్నారు.