Begin typing your search above and press return to search.
ఆర్ఆర్‌ఆర్‌ రిలీజ్ డేట్‌ కు థర్డ్‌ వేవ్‌కు లింక్‌!
By: Tupaki Desk | 4 July 2021 4:48 AM GMT
టాలీవుడ్‌ జక్కన్న రాజమౌళి దర్శకత్వంలో రూపొందుతున్న భారీ బడ్జెట్‌ మల్టీ స్టారర్ ఆర్ ఆర్ ఆర్ విడుదల తేదీ విషయంలో గందరగోళ వాతావరణం నెలకొంది. సినిమా షూటింగ్ ను మొదలు పెట్టినప్పటి నుండి అదుగో విడుదల తేదీ ఇదుగో విడుదల తేదీ అంటూ యూనిట్‌ సభ్యులు జరుపుతూ వచ్చారు. ఈ ఏడాది ఆరంభంలో రావాల్సిన ఆర్ ఆర్ ఆర్ కు కరోనా అడ్డు తలిగింది. కరోనా వల్ల వచ్చే ఏడాది వరకు ఈ సినిమా విడుదల అవ్వడం సాధ్యం కాకపోవచ్చు అంటూ అంతా అనుకుంటూ ఉన్న సమయంలో అక్టోబర్ లో సినిమాను విడుదల చేయాలని మేకర్స్‌ బలంగా ప్రయత్నాలు చేస్తున్నారు. భారీ బడ్జెట్‌ సినిమా అవ్వడం వల్ల ఆలస్యం చేసినా కొద్ది ఆర్థిక భారం పడుతుంది. అందుకే సాధ్యం అయినంత త్వరగా సినిమాను విడుదల చేయాలని జక్కన్న ప్లాన్‌ చేస్తున్నట్లుగా తెలుస్తోంది.
రాజమౌళి సెకండ్‌ వేవ్‌ తర్వాత షూటింగ్ పునః ప్రారంభించాడు. చిన్న బ్రేక్ తీసుకున్న యూనిట్‌ సభ్యులు మళ్లీ ఈనెల 10 నుండి రెగ్యులర్ షూట్‌ కు ఏర్పాట్లు చేస్తున్నారు. ఆ షెడ్యూల్‌ తో సినిమా పూర్తి చేయాలని నిర్ణయించారు. ఆగస్టు వరకు సినిమాను పూర్తి చేసేందుకు తీవ్రంగా ప్రయత్నాలు జరుగుతున్నాయి. మరో వైపు పోస్ట్‌ ప్రొడక్షన్‌ వర్క్‌ కూడా జరుగుతోంది. కనుక సినిమా ను అనుకున్నట్లుగా అక్టోబర్ లో విడుదల చేయాలని భావిస్తున్నారు. అక్టోబర్ విడుదల తేదీని ఈ ఏడాది ఆరంభంలో ప్రకటించిన చిత్ర యూనిట్‌ సభ్యులు సెకండ్‌ వేవ్‌ కారణంగా మళ్లీ వచ్చే ఏడాదికి వాయిదా వేస్తారనే ప్రచారం జరిగింది.
రిపబ్లిక్ డే సందర్బంగా వచ్చే ఏడాది ప్రేక్షకుల ముందుకు తీసుకును తీసుకు వచ్చేందుకు జక్కన్న ప్రయత్నాలు చేస్తున్నాడు అంటూ వార్తలు వచ్చాయి. కాని తాజాగా అందుతున్న సమాచారం ప్రకారం అక్టోబర్ లోనే సినిమాను విడుదల చేయాలనే ఉద్దేశ్యంతో ప్రయత్నాలు చేస్తున్నారట. అయితే సెప్టెంబర్‌ లేదా అక్టోబర్ లో థర్డ్‌ వేవ్‌ ప్రభావం తీవ్రంగా ఉంటుందని విశ్లేషకులు అంటున్నారు. కాని ఆ విషయాన్ని కొట్టి పారేస్తున్నారు. పరిస్థితులు ఎలా ఉన్నా కూడా సినిమా ను సెప్టెంబర్‌ లో విడుదలకు రెడీ చేసి ఆ తర్వాత సినిమా ను అక్టోబర్ లో విడుదల చేస్తారని అంటున్నారు.
ఒక వేళ పరిస్థితులు అనుకూలించకుంటే సినిమా ను వాయిదా వేయాలని భావిస్తున్నారు. సినిమా అక్టోబర్ రిలీజ్ అనే ఉద్దేశ్యంతోనే మేకర్స్‌ వర్క్‌ చేస్తున్నారని ఇండస్ట్రీ వర్గాల ద్వారా తెలుస్తోంది. తదుపరి షెడ్యూల్‌ లో రామ్‌ చరణ్ మరియు ఎన్టీఆర్ తో పాటు ఆలియా మరియు అజయ్‌ దేవగన్ లు కూడా పాల్గొనబోతున్నారు. తుది షెడ్యూల్‌ కోసం భారీ ఎత్తున ఏర్పాట్లు చేస్తున్నారు. సినిమాలోని ప్రతి సన్నివేశం మరియు యాక్షన్‌ సన్నివేశం ప్రేక్షకులకు సరికొత్త అనుభూతిని కలిగించే విధంగా జక్కన్న ఈ సినిమాను తెరకెక్కిస్తున్నాడు అంటూ యూనిట్‌ సభ్యులు నమ్మకంగా చెబుతున్నారు. బాహుబలి 2 రికార్డులను బద్దలు కొట్టేలా రాజమౌళి ఈ సినిమాను తెరకెక్కించాడా అనేది తెలియాలంటే మరి కొన్ని రోజులు వెయిట్‌ చేయాల్సిందే.
రాజమౌళి సెకండ్‌ వేవ్‌ తర్వాత షూటింగ్ పునః ప్రారంభించాడు. చిన్న బ్రేక్ తీసుకున్న యూనిట్‌ సభ్యులు మళ్లీ ఈనెల 10 నుండి రెగ్యులర్ షూట్‌ కు ఏర్పాట్లు చేస్తున్నారు. ఆ షెడ్యూల్‌ తో సినిమా పూర్తి చేయాలని నిర్ణయించారు. ఆగస్టు వరకు సినిమాను పూర్తి చేసేందుకు తీవ్రంగా ప్రయత్నాలు జరుగుతున్నాయి. మరో వైపు పోస్ట్‌ ప్రొడక్షన్‌ వర్క్‌ కూడా జరుగుతోంది. కనుక సినిమా ను అనుకున్నట్లుగా అక్టోబర్ లో విడుదల చేయాలని భావిస్తున్నారు. అక్టోబర్ విడుదల తేదీని ఈ ఏడాది ఆరంభంలో ప్రకటించిన చిత్ర యూనిట్‌ సభ్యులు సెకండ్‌ వేవ్‌ కారణంగా మళ్లీ వచ్చే ఏడాదికి వాయిదా వేస్తారనే ప్రచారం జరిగింది.
రిపబ్లిక్ డే సందర్బంగా వచ్చే ఏడాది ప్రేక్షకుల ముందుకు తీసుకును తీసుకు వచ్చేందుకు జక్కన్న ప్రయత్నాలు చేస్తున్నాడు అంటూ వార్తలు వచ్చాయి. కాని తాజాగా అందుతున్న సమాచారం ప్రకారం అక్టోబర్ లోనే సినిమాను విడుదల చేయాలనే ఉద్దేశ్యంతో ప్రయత్నాలు చేస్తున్నారట. అయితే సెప్టెంబర్‌ లేదా అక్టోబర్ లో థర్డ్‌ వేవ్‌ ప్రభావం తీవ్రంగా ఉంటుందని విశ్లేషకులు అంటున్నారు. కాని ఆ విషయాన్ని కొట్టి పారేస్తున్నారు. పరిస్థితులు ఎలా ఉన్నా కూడా సినిమా ను సెప్టెంబర్‌ లో విడుదలకు రెడీ చేసి ఆ తర్వాత సినిమా ను అక్టోబర్ లో విడుదల చేస్తారని అంటున్నారు.
ఒక వేళ పరిస్థితులు అనుకూలించకుంటే సినిమా ను వాయిదా వేయాలని భావిస్తున్నారు. సినిమా అక్టోబర్ రిలీజ్ అనే ఉద్దేశ్యంతోనే మేకర్స్‌ వర్క్‌ చేస్తున్నారని ఇండస్ట్రీ వర్గాల ద్వారా తెలుస్తోంది. తదుపరి షెడ్యూల్‌ లో రామ్‌ చరణ్ మరియు ఎన్టీఆర్ తో పాటు ఆలియా మరియు అజయ్‌ దేవగన్ లు కూడా పాల్గొనబోతున్నారు. తుది షెడ్యూల్‌ కోసం భారీ ఎత్తున ఏర్పాట్లు చేస్తున్నారు. సినిమాలోని ప్రతి సన్నివేశం మరియు యాక్షన్‌ సన్నివేశం ప్రేక్షకులకు సరికొత్త అనుభూతిని కలిగించే విధంగా జక్కన్న ఈ సినిమాను తెరకెక్కిస్తున్నాడు అంటూ యూనిట్‌ సభ్యులు నమ్మకంగా చెబుతున్నారు. బాహుబలి 2 రికార్డులను బద్దలు కొట్టేలా రాజమౌళి ఈ సినిమాను తెరకెక్కించాడా అనేది తెలియాలంటే మరి కొన్ని రోజులు వెయిట్‌ చేయాల్సిందే.
