వాల్తేరు వీరయ్యలో వేడెక్కించే సీన్..!

మెగాస్టార్ చిరంజీవి బాబీ కాంబోలో భారీ అంచనాలతో వస్తున్న సినిమా వాల్తేరు వీరయ్య. మైత్రి మూవీ మేకర్స్ నిర్మిస్తున్న ఈ సినిమాలో చిరు తో పాటుగా మాస్ మహరాజ్ రవితేజ కూడా స్క్రీన్ షేర్ చేసుకుంటున్నారు. చిరంజీవి అభిమాని అయిన రవితేజ అప్పట్లో మెగాస్టార్ నటించిన అన్నయ్య సినిమాలో తమ్ముడిగా నటించారు. ఇక ఇప్పుడు ఆయన సినిమాలో మరో స్టార్ గా కనిపించనున్నారు.

వాల్తేరు వీరయ్య సినిమాలో శృతి హాసన్ మెయిన్ హీరోయిన్ కాగా రవితేజకు జోడీగా కేథరిన్ త్రెసా నటిస్తుంది. ఇక ఈ సినిమాలో ఒక క్రెజీ లిప్ లాక్ సీన్ ప్లాన్ చేశారట డైరెక్టర్ బాబీ. ఈమధ్య సినిమాల్లో అలాంటి సీన్స్ లేకపోతే ఆడియన్స్ బోర్ ఫీల్ అవుతున్నారు. సినిమా ఎలాంటిదైనా సరే వీలున్నంత వరకు ఆడియన్స్ ని ఎంటర్టైన్ చేసేందుకు సినిమాలో ఒక్క లిప్ లాక్ అయినా పెడుతున్నారు. వాల్తేరు వీరయ్యలో కూడా అలాంటి ఒక ఘాటు లిప్ లాక్ ఉందట.

అయితే అది రవితేజ, కేథరిన్ త్రెసాల మధ్య ఉంటుందని తెలుస్తుంది. సాధారణంగా అయితే కేథరిన్ ఇలాంటి సీన్స్ చేయడానికి ఒప్పుకోదు కానీ కెరీర్ అటు ఇటుగా ఉన్న టైం లో డిమాండ్ ని బట్టి మారుతుండాలి అందుకే కేథరిన్ త్రెసా కూడా లిప్ లాక్ కి ఓకే చెప్పేసింది. రవితేజ కేథరిన్ త్రెసాల మధ్య సీన్స్ సినిమాకు స్పెషల్ ఎట్రాక్షన్ గా నిలుస్తాయని తెలుస్తుంది.

మెగా మాస్ ఎంటర్టైనర్ గా సంక్రాంతికి ఫ్యాన్స్ అందరికి మంచి ఐ ఫీస్ట్ అందించాలని వాల్తేరు వీరయ్య రెడీ అవుతున్నాడు. బాబీ డైరెక్షన్ లో సినిమా అంటే మినిమం గ్యారెంటీ ఉంటుంది. మరి పొంగల్ రేసులో వీరయ్య హంగామా ఎలా ఉంటుందో చూడాలి.

వాల్తేరు వీరయ్యకి పోటీగా బాలకృష్ణ వీర సింహా రెడ్డి, విజయ్ వారసుడు సినిమాలు కూడా పొంగల్ బరిలో దిగుతున్నాయి. ఈ మూడు సినిమాల మధ్య ఏర్పడుతున్న ఈ ఫైట్ లో పైచేయి ఎవరు సాధిస్తారు అన్నది తెలియాలంటే సంక్రాంతి సీజన్ వరకు వెయిట్ చేయాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.