రచ్చ బ్యూటి.. ప్రెగ్నెంట్ ఫోజు

బాలీవుడ్ బ్యూటీ కం టాప్ మోడల్ అయిన లీసా హెడెన్.. బాలీవుడ్ లో క్రేజీ సినిమాలనే చేసింది ముఖ్యంగా క్వీన్ మూవీలో ఈమె యాక్టింగ్ కు బెస్ట్ సపోర్టింగ్ యాక్ట్రెస్ గా ఫిలింఫేర్ ను కూడా అందుకుంది. అంతకంటే ముందు రామ్ చరణ్‌ రచ్చ టైటిల్ సాంగులో మెరిసిందిలే. చివరగా యే దిల్ హై ముష్కిల్ మూవీలో మెరిసిన ఈ బ్యూటీ.. కొన్ని నెలల క్రితం పెళ్లి చేసుకున్న సంగతి తెలిసిందే.

తన లాంగ్ టెర్మ్ బాయ్ ఫ్రెండ్ డినో లల్వానిని గతేడాది అక్టోబర్ పెళ్లి చేసుకుంది లీసా హెడెన్. మోడల్ గా రేంజ్ లో వెలిగిపోయినపుడు.. బికినీల్లో పోజులు ఇవ్వడం ఈ అమ్మడికి కొత్తేమీ కాదు. ఇండియన్ గ్లామర్ డాల్స్ గురించి పుస్తకం రాస్తే.. అందులో లీసా గురించి ఓ ఛాప్టర్ రాయాల్సి వస్తుందేమో అనే రేంజ్ లో మత్తెక్కించిన హిస్టరీ ఈమెకు ఉంది. తాజాగా ఇలాగే టూ పీస్ బికినీలో అమ్మడు ఓ ఫోటోకి పోజ్ ఇచ్చింది. ఇక్కడ కాన్సెప్ట్ మారిపోయింది.

తను గర్భంతో ఉన్నానని చెప్పడమే లీసా హెడెన్ ఈ ఫోటో షేర్ చేయడంలో ఆంతర్యం. 'హంబుల్ బిగినింగ్స్' అంటూ ఓ క్యాప్షన్ పెట్టి.. తాను ప్రెగ్నెంట్ అనే విషయాన్ని లీసా కన్ఫాం చేసేసింది. బేబీ బంప్ కనిపించేలా ఉన్న ఈ ఫోటోని షేర్ చేసినప్పటి నుంచి.. లీసా హెడెన్ కు కుప్పలు తెప్పలుగా అభినందనలు వచ్చి పడిపోతున్నాయి.

Like Us on Facebook : https://www.facebook.com/Tupakidotcom/