ప‌త్రిక‌పై విరుచుకుప‌డ్డ లీసారే!

`ట‌క్క‌రి దొంగ` ఫేం లీసా రే లైఫ్ స్టోరీ గురించి తెలిసిందే. అందానికి అందం.. అద్భుత‌మైన న‌ట‌న‌తో మైమ‌రిపించిన ఈ టాప్ మోడ‌ల్ కం యాక్ట్రెస్ క్యాన్స‌ర్ తో సుదీర్ఘ పోరాటం చేశారు. లీసారే క్యాన్స‌ర్ బారిన ప‌డ‌డంతో చాలా కాలం ట్రీట్ మెంట్ కొన‌సాగింది. చివ‌రికి ఏదోలా క్యాన్స‌ర్ ని జ‌యించి ప్ర‌స్తుతం మ‌రోసారి బాలీవుడ్ లో బిజీ అవుతున్నారు. క్యాన్స‌ర్ వ‌ల్ల తాను అనుభ‌వించిన మ‌నోవేద‌న‌ను.. న‌ర‌కాన్ని `క్లోజ్ టు ది బోన్` పేరుతో పుస్త‌కం రాసి తాజా విడుద‌ల చేస్తున్నారు.

ఈ పుస్త‌కంపై ప్ర‌ఖ్యాత ఆంగ్ల దిన‌ప‌త్రిక‌లో ఓ వ్యాసం వ‌చ్చింది. అయితే ఆ వ్యాసానికి ఉప‌యోగించిన ఫోటో అభ్యంత‌ర‌క‌రంగా ఉందంటూ లీసారే మండిప‌డ‌డం హాట్ టాపిక్ గా మారింది. అస‌లు ఆ సంద‌ర్భానికి ఏ ఫోటో వాడాలో తెలీదా? అంత అస‌భ్యంగా ఉన్న ఫోటోని వేస్తారా? అంటూ చిరాకును వ్య‌క్తం చేశారు లీసా.ఈ ఫోటో చూసి చాలా నిరాశ ప‌డ్డాను. స‌ద‌రు ప‌త్రికా నిర్వాహ‌కులు ఇలా చేయ‌డం బాలేదు!! అంటూ లీసా ట్వీట్ చేశారు.

ప్ర‌స్తుతం మోడ‌లింగ్ కెరియ‌ర్ తో పాటు బాలీవుడ్ కెరియ‌ర్ పైనా లీసా దృష్టి సారించారు. ఏ.ఆర్.రెహ‌మాన్ నిర్మిస్తున్న తాజా చిత్రం 99 సాంగ్స్ లో లీసా రే న‌టించారు. హిందీ - తెలుగు - తమిళంలో ఈ మూవీ జూన్ 21న విడుదలవుతోంది. ప‌లు బాలీవుడ్ చిత్రాలతో పాటు వెబ్ సిరీస్‌లలో నటిస్తున్నారు. 47 ఏళ్ల లీసారే క్యాన్స‌ర్ నుంచి కోలుకున్న త‌ర్వాత అదే ఉత్సాహంతో ప‌ని చేస్తుండ‌డం యువ‌త‌రానికి స్ఫూర్తిమంతం.