లివ్ ల‌వ్ లాఫ్ .. ఇదీ ఛార్మీ పాల‌సీ

జీవించండి.. ప్రేమించండి.. న‌వ్వుతూ ఉండండి.. ఇదీ ఛార్మి ఫిలాస‌ఫీ. ఇది కేవ‌లం ఎదుటివారికి చెప్ప‌డ‌మే కాదు .. తాను కూడా ఆచ‌రించి చూపిస్తోంద‌ని తాజాగా ఇన్ స్టా లో రివీల్ చేసిన ఫోటోనే చెబుతోంది.అందాల ఛార్మి ఆ న‌వ్వుకు దాసోహం కానిది ఎవ‌రు? అంతందంగా క్యూట్ గా న‌వ్వేస్తూ క‌వ్వించేస్తుంటే టెంప్ట్ కాకుండా యూత్ ఆగ‌‌గ‌ల‌రా? అందుకే జ్యోతిల‌క్ష్మిగా న‌టించినా.. `మంత్ర`‌గా క‌వ్వించినా త‌న వెంటే నిలిచారు బోయ్స్.

ప్ర‌స్తుతానికి కొలీగ్ కం ద‌ర్శ‌కుడు పూరీ జ‌గ‌న్నాథ్ తో క‌లిసి పూరి క‌నెక్ట్స్ లో భాగ‌స్వామిగా ఉన్న ఛార్మి భారీ చిత్రాల‌పై పెట్టుబ‌డుల్ని పెడుతున్నారు. ఇస్మార్ట్ శంకర్ స‌క్సెస్ త‌ర్వాత రొమాంటిక్ మూవీలోనూ ఛార్మి పెట్టుబ‌డి పెట్టారు. త‌దుప‌రి రౌడీ విజ‌య్ దేవ‌ర‌కొండ న‌టిస్తున్న ఫైట‌ర్ మూవీకి ఛార్మి ఓ నిర్మాత‌గా కొన‌సాగుతున్నారు. ఇది పాన్ ఇండియా కేట‌గిరీ మూవీ. దానికి ప్ర‌చారం చేయ‌డంలోనూ ఛార్మి త‌న‌దైన ఒర‌వ‌డి ప్ర‌ద‌ర్శిస్తున్నారు.

ప‌నిలో ప‌నిగా సోష‌ల్ మీడియాల్లో ఛార్మి ఎంతో స్పీడ్ గా ఫాలోవ‌ర్స్ ని పెంచుకుంటున్నారు. ఇంత‌కుముందు ఇంట్లో త‌న ఫేవ‌రెట్ పెట్ డాగ్ తో క‌లిసి ఫోటోలు దిగి షేర్ చేయ‌గా వైర‌ల్ అయ్యాయి. ఇప్పుడు మ‌న‌స్ఫూర్తిగా హాయిగా న‌వ్వేస్తూ ఉన్న ఛార్మి ఫోటో అంతే వేగంగా వైర‌ల్ అవుతోంది. నిరంత‌రం ఛార్మి త‌న వ్య‌క్తిగ‌త వృత్తిగ‌త విష‌యాల్ని ఇన్ స్టా వేదిక‌గా షేర్ చేస్తున్నారు. అవ‌న్నీ వైర‌ల్ గా మారుతున్నాయి. సాటి సీనియ‌ర్ నాయిక‌లంతా పెళ్లితో ఓ ఇంటివాళ్ల‌వుతున్నారు. త‌న లైఫ్ లో అలాంటి ట్విస్ట్ ఏదైనా స‌డెన్ గానే బ‌య‌ట‌పెడ‌తారేమో చూడాలి..!