వైజాగ్ గిర్రా గిర్రా తిరిగిందంతే!

వైజాగ్ కి గిర్రా గిర్రా తిరిగిందంతే. రాక్ స్టార్ దేవీశ్రీ దెబ్బ‌కు వైజాగ్ బీచ్ ఒణికింది. సంగీత సునామీ వ‌చ్చి తాకిందా అన్నంతంగా జ‌నం ఉర్రూత‌లూగారు. స్వ‌త‌హాగానే స్టేజీ ఎక్కితే చెల‌రేగిపోయే దేవీశ్రీ ఈసారి విశాఖ ఉత్స‌వ్ లో త‌న‌కు వ‌చ్చిన ఏ అవ‌కాశాన్ని విడిచిపెట్ట‌లేదు. అత‌డు మ‌రోసారి త‌న‌దైన శైలిలో మాంచి ఊపున్న మ్యూజిక్ నే ఇచ్చాడు ఎఫ్ 2 చిత్రానికి.

ఆ సినిమాలో రెండు ఛ‌మ‌క్కు లాంటి పాట‌లు ఉన్నాయి. గిర్ర గిర్ర అంటే బుర్ర తిర‌గాలి..అంటూ మాన‌స్వి పాడిన పాట మాంచి మాస్ మ‌సాలా ఛ‌మక్కుల‌తో మైమ‌రిపించింది. దేవీ ఈ పాట‌ను వేదిక‌పైనా గాయ‌నీగాయ‌కుల‌తో పాడించాడు. బీచ్ లో జ‌నం ఈ మాస్ పెప్పీ నంబ‌ర్ కి ఉర్రూత‌లూగారు. ఉర్ర ఉర్ర ఉర్ర ఊదేద్దాం బూర‌...అంటూ ఈ పాట‌లో ప‌దాలతోనే దేవీ బోలెడంత మ్యాజిక్ చేశాడు. ఇక ఎఫ్ 2 చిత్రంలో మ‌రో ఊపున్న పాట ఉంది.

దేవీశ్రీ రాకింగ్ మ్యూజిక్ కి ఎఫ్ 2 ఆడియోలో దిల్ రాజు - వెంకీ - వ‌రుణ్ తేజ్ బృందం హుషారుగా స్టెప్పులేసి ఆక‌ట్టుకున్నారు. ఇక‌పోతే సంక్రాంతి బ‌రిలో వ‌స్తున్న సినిమాల్లో చ‌ర‌ణ్ సినిమా - ర‌జ‌నీ సినిమా కూడా బాగా ఆడాల‌ని విక్ట‌రీ వెంక‌టేష్ కోరారు. ఎఫ్ -2 ఆడియెన్ కి మాంచి ఊపు నిస్తుంద‌ని అన్నారు. ఇక వైజాగ్ ఉత్స‌వ్ వేడుక‌లో జ‌నం భారీగా ఈ వేదిక‌కు విచ్చేశారు.