తెలుగు భామల టైం ఇప్పుడే స్టార్టింగ్

టాలీవుడ్ లో తెలుగు అమ్మాయిలను హీరోయిన్లను చూసే అవకాశం తెలుగు ప్రేక్షకులకు చాలా అరుదుగా వస్తూ ఉంటుంది. గతంలో పరిస్థితి ఇలా ఉండేది కాదు. చాలా మంది తెలుగు అమ్మాయిలు హీరోయిన్లుగా రాణించారు. టాప్ హీరోయిన్స్ గా వెలుగొందారు.

కాంచనమాల నుంచి స్టార్ట్ చేస్తే భానుమతి.. సావిత్రి.. షావుకారు జానకి.. కృష్ణకుమారి.. జమున.. వాణిశ్రీ.. జయసుధ.. జయప్రద.. జయచిత్ర.. విజయశాంత.. జీవిత.. భానుప్రియ.. రంభ.. ఆమని.. రోజా.. రాశి.. లయ.. ఇలా సుదీర్ఘమైన లిస్ట్ ఉంది. వీరంతా టాప్ హీరోయిన్స్ స్టేటస్ ను కూడా ఎంజాయ్ చేశారు. కానీ ఓ రెండు దశాబ్దాలుగా తెలుగు భాషలో టాప్ హీరోయిన్స్ లిస్ట్ లో.. తెలుగు అమ్మాయిలు కనిపించడం మానేశారు. ఒక్క పేరు కూడా ఈ జాబితాలో వినిపించడం లేదు. కొంతమంది హీరోయిన్స్ గా అవకాశాలు దక్కించుకున్నా వారంతా చిన్న సినిమాలకో.. లేదా పెద్ద సినిమాల్లో చిన్న పాత్రలకో పరిమితం అయారు. ఇది తెలుగులోకి హీరోయిన్స్ గా ఎంట్రీ ఇవ్వాలని కోరుకునే తెలుగు అమ్మాయిల కౌంట్ పడిపోతూ వస్తోంది.

కానీ ఇప్పుడిప్పుడే తెలుగులోకి వస్తున్న అమ్మాయిల కౌంట్ కాసింత పెరుగుతోంది. అపూర్వ శ్రీనివాసన్.. పునర్నవి భూపాలం.. ప్రియాంక జవాల్కర్.. రీతుత వర్మ.. అనీషా ఆంబ్రోస్.. ఈషా రెబ్బా.. నీహారిక కొణిదెల.. శోభిత ధూళిపాళ.. శివాని రాజశేఖర్.. పూజిత పొన్నాడ.. ఇలా హీరోయిన్లుగా మారుతున్న తెలుగు అమ్మాయిల సంఖ్య పెరుగుతోంది. ఇంక కావాల్సినదల్లా వారికి పెద్ద సినిమాల్లో అవకాశాలు ఇచ్చి ప్రోత్సహించడం మాత్రమే. ఇప్పుడిప్పుడే మీడియం రేంజ్ సినిమాల్లో ఛాన్సులు వస్తుండగా.. త్వరలో టాప్ హీరోయిన్స్ గా కూడా ఎదుగుతారని ఆశిద్దాం.