50 కోట్ల క్ల‌బ్ లో చేరిన ల‌వ్ స్టోరి

సెకండ్ వేవ్ అనంత‌రం వేవ్ లా దూసుకొచ్చాడు నాగ‌చైత‌న్య‌. అత‌డు న‌టించిన ల‌వ్ స్టోరి 50 కోట్ల క్ల‌బ్ లో చేరింది. ఈ సినిమా రిలీజైన తొలి వీకెండ్ మూడు రోజుల్లో 50కోట్ల గ్రాస్ వ‌సూలు చేయ‌గా.. 25 కోట్లు పైగా షేర్ ని క‌లెక్ట్ చేయ‌డం సంచ‌ల‌నం అని చెప్పాలి. ఓ వైపు క‌రోనా వైర‌స్ భ‌యాలు వెంటాడుతున్నా జ‌నం థియేట‌ర్ల‌కు వ‌చ్చేందుకు వెన‌కాడ‌లేద‌ని తాజా రిజ‌ల్ట్ చెబుతోంది.

మ‌జిలీ త‌ర్వాత నాగ‌చైత‌న్య‌కు మ‌రో బంప‌ర్ హిట్ చిత్రంగా ఇది రికార్డుల‌కెక్కిది. ల‌వ్ స్టోరిపై చిన్న పాటి విమ‌ర్శ‌లు ఉన్నా ఓవ‌రాల్ గా సినిమా బాక్సాఫీస్ వ‌ద్ద ఊహించ‌ని విజ‌యం ద‌క్కించుకుంది. చైతూ కెరీర్ బెస్ట్ ఓపెనింగుల‌ను సాధించిన ఈ చిత్రం రికార్డ్ హిట్ దిశ‌గా దూసుకెళుతుంద‌ని అంచ‌నా వేస్తున్నార‌. 3రోజుల్లో నైజాం-8కోట్లు.. సీడెడ్ -3 కోట్ల‌కు సుమారు వ‌సూలు చేయ‌గా.. ఉత్త‌రాంధ్ర -2కోట్లు.. గుంటూరు .. తూగోలో కోటి చొప్పున ఈ చిత్రం వ‌సూలు చేసింద‌ని ట్రేడ్ చెబుతోంది.

ఓవ‌ర్సీస్ లోనూ ఈ చిత్రం 6కోట్లు పైగా వ‌సూలు చేయ‌డం ఒక సెన్సేష‌న్. ఇప్ప‌టికే 1మిలియ‌న్ డాల‌ర్ క్ల‌బ్ లో చేరింది. ఇంకా హ‌వా సాగిస్తోంది. ఉప్పెన - జాతిరత్నాలు త‌ర్వాత మ‌ళ్లీ మంచి విజ‌యం ద‌క్కించుకున్న చిత్రంగా ల‌వ్ స్టోరి రికార్డుల‌కెక్క‌నుంది.