​12 కోట్లకు ఖైదీనంబర్ 150ని కొనేసిన మాటీవీ

తెలుగు సినీ ఇండస్ర్టీలో మెగా హిట్ మూవీ ఖైదీ నంబర్ 150ని త్వరలోనే ఇంట్లో కూర్చుని చూడొచ్చు. ఈ సినిమా శాటిలైట్ రైట్స్ ను మా టీవీ దక్కించుకోవడంతో త్వరలో టీవీల్లో ప్రసారం చేస్తారని ఫ్యామిలీ ఆడియన్సు ఆశిస్తున్నారు. కాగా.. సూపర్ హిట్టయిన ఈ సినిమా శాటిలైట్ రైట్స్ ను మాటీవీ రికార్డు ధరకు కొనుక్కుంది. ఏకంగా దీనికోసం రూ.12 కోట్లు చెల్లించినట్లు చెబుతున్నారు. సో... నిర్మాతగా రాంచరణ్ పంట పండిందని చెబుతున్నారు.

మరోవైపు ఈ సినిమా హక్కులు దక్కించుకున్న మాటీవీలో చిరంజీవికి కూడా వాటాలున్నాయి. అంతేకాదు.. మా టీవీలోనే ప్రసారమవుతున్న మీలో ఎవరు కోటీశ్వరుడు షోకు కూడా చిరంజీవే యాంకర్. ఈ నేపథ్యంలో మాటీవీ ఈ హక్కులు దక్కించుకోవడంలో పెద్ద ఆశ్చర్యమేమీ లేదు.. అయితే.. మాటీవీ దీన్ని తీసుకోవడంతో ఏడాది నాలుగైదు సార్లు ఇంట్లోనే దీన్ని చూసుకోవచ్చని అంటున్నారు. ఎందుకంటే మా టీవీ తన సినిమాలను అంతలా రిపీట్ చేస్తుంది.

కాగా... ప్రపంచవ్యాప్తంగా 100 కోట్లకు పైగా కలెక్షన్లు సాధించిన ఖైదీనంబర్ 150 సినిమా తెలుగులో సెకండ్ హయ్యెస్ట్ కలెక్టన్స్ ఉన్న సినిమాగా చెబుతున్నారు. బాహుబలి తరువాత ఇదే టాప్ అంట. అయితే... శాటిలైట్ హక్కులు 12 కోట్లకు వెళ్లడం పెద్ద విషయమే అయినా ఇక్కడ కూడా చిరంజీవి సెకండ్ ప్లేసులోనే ఉన్నారట. తమ్ముడు పవన్ సినిమా.. ఇంకా రిలీజ్ కూడా కాని కాటమరాయుడు ను ఓ ఛానల్ 12.5 కోట్లకు దక్కించుకుందట.

Like Us on Facebook : https://www.facebook.com/Tupakidotcom/