నర్తనశాల శాటిలైట్ మాదే!

యంగ్ హీరో నగశౌర్య నటించిన తాజా చిత్రం '@నర్తనశాల'. డెబ్యూ దర్శకుడు శ్రీనివాస్ చక్రవర్తి రూపొందించిన ఈ సినిమాను శౌర్య అమ్మగారు ఉషా ముల్పురి ఐరా క్రియేషన్స్ బ్యానర్ పై నిర్మించారు. 'ఛలో' లాంటి హిట్ తర్వాత ఐరా బ్యానర్ లో రానున్న రెండో చిత్రం కావడంతో ఈ సినిమాపై కూడా పాజిటివ్ బజ్ నెలకొని ఉంది. తాజా సమాచారం మేరకు ఈ సినిమా శాటిలైట్ - డిజిటల్ రైట్స్ డీల్ కూడా క్లోజ్ అయిందట.

శాటిలైట్ రైట్స్ ను మాటీవి వారు చేజిక్కించుకున్నారని - డిజిటల్ రైట్స్ అమెజాన్ ప్రైమ్ వారు కొనుగోలు చేశారని అంటున్నారు. ఇందులో శాటిలైట్ ఎంత.. డిజిటల్ డీల్ ఎంత అనే కరెక్ట్ ఫిగర్ బయటకు రాలేదు గానీ టోటల్ గా ఐరా వారి కి మూడున్నర కోట్లు ముట్టిందని సమాచారం. సినిమా రిలీజ్ కు ముందే నిర్మాతలకు ఈరకంగా కొంత ఇన్వెస్ట్మెంట్ రికవర్ అయినట్టే.

'@నర్తనశాల' సినిమాలో నాగ శౌర్య కు జోడీగా కష్మీర, యామిని నటించారు. మహతి స్వర సాగర్ సంగీత దర్శకుడు. సినిమాను ఆగష్టు 30 న విడుదల చేస్తున్నారు. ఇప్పటికే '@నర్తనశాల' ఇంట్రెస్టింగ్ ప్రోమోస్ తో ప్రేక్షకుల్లో ఆసక్తిని పెంచింది. మోడరన్ బృహన్నలగా శౌర్య ను మనం మరో మూడు రోజుల్లో చూడొచ్చన్నమాట.