నేను స్టూడెంట్ సర్ నుండి మాయే మాయే సాంగ్

స్వాతిముత్యం సినిమాతో డీసెంట్‌ సక్సెస్ దక్కించుకుని తెలుగు ప్రేక్షకుల హృదయాలను గెలుచుకున్న యంగ్‌ హీరో బెల్లంకొండ సాయి గణేష్‌. ఈయన హీరోగా ప్రస్తుతం రూపొందుతున్న చిత్రం 'నేను స్టూడెంట్‌ సర్‌'. ఈ సినిమా చిత్రీకరణ ముగింపు దశకు వచ్చిందని సమాచారం అందుతోంది.

ఈ సినిమా నుండి మాయే మాయే పాటను ఈనెల 12వ తారీకున విడుదల చేయబోతున్నట్లుగా అధికారికంగా ప్రకటన వచ్చింది. ప్రముఖ రచయిత కృష్ణ చైతన్య రాసిన ఈ పాటకు తప్పకుండా ప్రతి ఒక్కరిని ఆకట్టుకుంటుందనే నమ్మకంను చిత్ర యూనిట్‌ సభ్యులు వ్యక్తం చేస్తున్నారు.

హీరో మరియు హీరోయిన్‌ మధ్య రిలేషన్‌ బిల్డప్ అయ్యే పాట అవ్వడంతో కాస్త డెప్త్‌ గా అర్థం వచ్చే విధంగా నిన్ను చూడక పోతే నా కళ్ళు తిడుతున్నాయే అంటూ పదాలు వాడాను అంటూ రచయిత కృష్ణ చైతన్య పేర్కొన్నాడు. ఈ పాట తప్పకుండా ప్రతి ఒక్కరిని నచ్చే విధంగా మహతి స్వర సాగర్‌ ట్యూన్ ను అందించాడని కృష్ణ చైతన్య అన్నాడు.

ఈ సినిమా ను నాంధి మేకర్స్ నిర్మిస్తున్నారు. నాంధి సినిమా ఎంతటి ఘన విజయాన్ని సొంతం చేసుకుందో ప్రత్యేకంగా చెప్పనక్కర్లేదు. కనుక ఈ సినిమా కూడా తప్పకుండా విజయాన్ని సొంతం చేసుకుంటుందని.. స్వాతిముత్యం తర్వాత బెల్లంకొండ సాయి గణేష్‌ కు ఇది మరో విజయాన్ని తెచ్చి పెడుతుందనే నమ్మకం వ్యక్తం అవుతోంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.