చై పేరెంట్‌ కి పెద్ద ఫ్యాన్‌ ని-మ్యాడీ

ట్రైల‌ర్‌ తో `స‌వ్య‌సాచి` చిత్రంలో మ్యాడీ రోల్ ఏంటో అర్థ‌మైంది. స‌వ్య‌సాచిని ప‌ద్మ‌వ్యూహంలో ఇరికించి ఆడుకునే విల‌న్‌ గా మ్యాడీ ఎంట్రీ అదిరిపోయింది. ఈ సినిమాకి మ్యాడీ పాత్ర ఎంత పెద్ద ప్ల‌స్ కానుందో ఆ పాత్ర ప్రాధాన్య‌త ఎంతో అర్థ‌మైంది. అందుకే ఈ సినిమాతో తాను తెలుగు తెర‌కు ప‌రిచ‌యం అవ్వ‌డం సంతోషంగా ఉంద‌ని అన్నారు మ్యాడీ అలియాస్ మాధ‌వ‌న్‌. స‌వ్య‌సాచి ప్రీరిలీజ్ ఈవెంట్‌ కి మ్యాడీ స్పెష‌ల్ గెస్ట్‌ గా విచ్చేశారు. స‌వ్య‌సాచి టీమ్‌ ని బ్లెస్ చేసిన మ్యాడీ.. జెంటిల్‌ మేన్ స్పీచ్‌ తో మైమ‌రిపించారు.

ముఖ్యంగా తాను చైతూ పేరెంట్ (నాగార్జున‌- అమ‌ల‌)కు వీరాభిమానిని అని ఎంతో విన‌మ్రంగా చెప్పారు. మైత్రి సంస్థ వ‌రుస‌గా బ్లాక్‌ బ‌స్ట‌ర్లు కొడుతోంది. చైతూ స‌వ్య‌సాచి పాత్ర‌లో బాగా న‌టించాడు. నేను చై పేరెంట్‌ కి పెద్ద ఫ్యాన్‌ ని .. నా హృద‌యంలోంచి మాట్లాడుతున్నా.. చైతూ ఈ సినిమాతో నువ్వు మంచి విజ‌యం అందుకుంటావ్‌... అని మ్యాడీ స‌ర్ ఆశీస్సులు అందించారు.

ఇదే సంద‌ర్భంలో ఈవెంట్ ముఖ్య అతిధి దేవ‌రకొండ‌ను అంతే పొగిడేశారు మ్యాడీ. ఇలా వేరొక హీరో స్టేజ్‌ పై నేను డ్యాన్సులు చేయ‌లేదు. దేవ‌ర‌కొండ స్పోర్టివ్‌ గా అలా చేశాడు.. అని దేవ‌ర‌కొండ‌ను పొగిడేశారు మ్యాడీ. స‌వ్య‌సాచి మూవీకి చందు మొండేటి రాసిన మాట‌లు ఎంతో బాగా న‌చ్చాయి... మేకింగ్ సూప‌ర్భ్‌. మొత్తానికి తెలుగు ప‌రిశ్ర‌మ‌కు వ‌స్తున్నా. టీమ్‌ కి ఆల్ ది బెస్ట్. మ‌ళ్లీ వంద‌రోజుల వేడుక‌లో క‌లుసుకుందాం.. అని అన్నారు.