ఎన్టీఆర్ తో మ‌ణిర‌త్నం హీరోయిన్‌

రోజా సినిమా చూసిన వాళ్లెవ‌రూ మ‌ధుబాల‌ను అంత సుల‌భంగా మ‌రిచిపోలేరు. ఆ ఒక్క సినిమాతోనే వంద సినిమాలు చేసిన గుర్తింపు సంపాదించింది మ‌ధు. ఆ త‌ర్వాత ఎన్ని సినిమాలు చేసినా ఆమెను రోజా హీరోయిన్ గానే గుర్తుంచుకున్నారు జ‌నాలు. మ‌ణిర‌త్నం అంత మంచి గుర్తింపు ఇచ్చాడు మ‌ధుబాల‌కు. హీరోయిన్ గా త‌క్కువ సినిమాలే చేసిన ఈ ముద్దుగుమ్మ త‌ర్వాత పెళ్లి చేసుకుని లైఫ్ లో సెటిలైపోయింది. మ‌ళ్లీ ఈ మ‌ధ్యే క్యారెక్ట‌ర్ వేషాలు వేస్తోంది. ఇప్ప‌టికే త‌మిళంలో ఒక‌ట్రెండు సినిమాలు.. తెలుగులో ‘అంత‌కుముందు ఆ త‌రువాత’లో న‌టించింది.

ఇప్పుడామె మ‌రో తెలుగు సినిమాలో త‌ళుక్కుమ‌న‌బోతోంది. అది కూడా పెద్ద హీరో మూవీలో. ఆ హీరో మ‌రెవ‌రో కాదు.. ఎన్టీఆర్‌. సుకుమార్ ద‌ర్శ‌క‌త్వంలో తార‌క్ న‌టిస్తున్న ‘నాన్న‌కు ప్రేమ‌తో’లో మ‌ధుబాల కీల‌క పాత్ర పోషిస్తున్న‌ట్లు స‌మాచారం. ఇన్నాళ్లూ ఈ విష‌యాన్ని గోప్యంగా ఉంచింది చిత్ర యూనిట్. ఇప్పుడే ఈ సంగ‌తి బ‌య‌టికి వ‌చ్చింది. ఇప్ప‌టికే ఆమె పాత్ర‌కు సంబంధించిన షూటింగ్ కూడా పూర్త‌యింద‌ట‌. క‌థ‌ను మ‌లుపు తిప్పే పాత్ర‌ను మ‌ధుబాల పోషిస్తున్నట్లు చెబుతున్నారు. మరి ఆమె ఎన్టీఆర్ కు తల్లి పాత్రలో నటిస్తోందా? లేక అత్తగానా లేక ఇంకేదైనా పాత్రలోనా?