ప్ర‌కాశ్ రాజ్ పై మ‌ధుర శ్రీ‌ధ‌ర్ షాకింగ్ కామెంట్స్!

ప్ర‌ముఖ జ‌ర్న‌లిస్టు - క‌న్న‌డ ర‌చ‌యిత్రి గౌరీ లంకేశ్ హ‌త్య త‌ర్వాత విల‌క్ష‌ణ న‌టుడు ప్ర‌కాశ్ రాజ్....బీజేపీ ప్ర‌భుత్వం - ప్ర‌ధాని న‌రేంద్ర మోదీపై సందర్భానుసారంగా తీవ్ర‌స్థాయిలో విమ‌ర్శలు గుప్పిస్తోన్న సంగ‌తి తెలిసిందే. `జ‌స్ట్ ఆస్కింగ్` పేరుతో ప్ర‌కాశ్ రాజ్ మోదీపై సెటైరిక‌ల్ ట్వీట్ లు పెడుతున్నారు. తాజాగా, గుజ‌రాత్ ఎన్నిక‌ల ఫ‌లితాల నేప‌థ్యంలో....బీజేపీ 150+ సీట్లు గెల‌వ‌లేక‌పోయింద‌ని మోదీకి గుర్తు చేస్తూ ఓ ట్వీట్ చేశారు. ప్ర‌కాశ్ రాజ్ పై అదే స్థాయిలో బీజేపీ నేత‌లు కూడా ప్ర‌తి విమ‌ర్శ‌లు చేస్తున్నారు. ఈ నేప‌థ్యంలో ప్ర‌కాశ్‌ రాజ్‌ పై టాలీవుడ్ నిర్మాత మ‌ధుర శ్రీధ‌ర్ రెడ్డి షాకింగ్ కామెంట్స్ చేస్తూ ట్విట్ట‌ర్ లో ఓ పోస్ట్ చేశారు. ప్ర‌స్తుతం ఆ ట్వీట్ సోషల్ మీడియాలో వైర‌ల్ అయింది.

గుజ‌రాత్ - హిమాచ‌ల్ ప్ర‌దేశ్ ఎన్నిక‌ల ఫ‌లితాల నేప‌థ్యంలో మోదీపై ప్ర‌కాశ్ రాజ్ కామెంట్ల‌ను ప‌బ్లిష్ చేసిన ఓ ప్ర‌ముఖ వెబ్ సైట్ వార్త‌ను మధుర శ్రీ‌ధ‌ర్ ఉటంకిస్తూ ట్విట‌ర్ లో ఓ పోస్ట్ చేశారు. ప్ర‌కాశ్ రాజ్ గోల ఏమిటో త‌న‌కు అస్స‌లు అర్థం కావ‌డం లేదని, త‌న అహంకారంతో ప్రొడ్యూస‌ర్ల‌ను - డైరెక్ట‌ర్ల‌ను ఆయ‌న‌ ఇబ్బంది పెడుతుంటార‌ని శ్రీ‌ధ‌ర్ అన్నారు. ``నువ్వు సంతోషంగా ఉన్నావా? కేవ‌లం హెడ్‌ లైన్స్‌ లో ఉండాల‌ని ప్ర‌య్న‌త్నించ‌కు. స‌మ‌స్య‌లపై పోరాటం చేయ్‌. ప్రభావ‌వంత‌మైన నాయ‌కుడిగా ఎదుగు. అప్పుడు ఎదుటివారిపై కామెంట్ చెయ్‌. అప్పుడు మేం నిన్ను సీరియ‌స్ గా తీసుకుంటాం` అని శ్రీధ‌ర్ సంచ‌ల‌న ట్వీట్ చేశారు. ఈ నేప‌థ్యంలో శ్రీ‌ధ‌ర్ కామెంట్ల‌పై ప్ర‌కాశ్ రాజ్ ఏ విధంగా స్పందిస్తారో అన్న సంగ‌తి ఆస‌క్తిక‌రంగా మారింది. ఇప్ప‌టివ‌ర‌కు ప్ర‌కాశ్ రాజ్ పై సినీరంగానికి చెందిన వారెవ‌రూ విమ‌ర్శ‌లు గుప్పించ‌లేదు. అటువంటిది టాలీవుడ్ నుంచి మ‌ధుర శ్రీ‌ధ‌ర్ విమ‌ర్శించ‌డం స‌ర్వ‌త్రా చ‌ర్చ‌నీయాంశ‌మైంది.