భాయ్ బయోపిక్‌ లో కట్ చేయమంటోంది

ప్రస్తుతం బాలీవుడ్ లో బయోపిక్ ల సీజన్ పీక్ స్టేజ్ కి చేరుకుంది. అటు పాత కథలతో పాటు.. ఇటు ప్రస్తుతం జీవించి ఉన్నవారి కథలు కూడా సినిమాలుగా రూపొందుతున్నాయి. ఇప్పటికే చాలా బయోపిక్ లు వచ్చేయగా.. ఇప్పుడు బాలీవుడ్ భాయ్ సంజయ్ దత్ జీవిత చరిత్రపై సినిమా తెరకెక్కనుంది. రణవీర్ సింగ్ ఈ మూవీలో సంజయ్ దత్ గా టైటిల్ రోల్ పోషించనున్నాడు.

అయితే.. ఈ మూవీపై అనౌన్స్ మెంట్ వచ్చినప్పటి నుంచి సంజయ్ దత్-మాధురి దీక్షిత్ ల జంట మధ్య అప్పట్లో నడిచిన కహానీలపై చర్చ నడుస్తోంది. సంజయ్ బయోపిక్ లో మాధురి పాత్రను ఎలా చూపించనున్నారనే ఆసక్తి నెలకొంది. అయితే.. ప్రస్తుతం పెళ్లి చేసుకుని లైఫ్ లో సెటిల్ అయిపోయిన మాధురికి సంబంధించిన ఎపిసోడ్.. తన బయోపిక్ లో టచ్ చేయవద్దని సంజయ్ దత్ చెప్పాడనే టాక్ ఉంది. ఈ టాక్ నడుస్తుండగానే.. భాయ్ కు ఫోన్ చేసిందట మాధురి దీక్షిత్. ఆ బయోపిక్ లో తన రోల్ లేకుండా చూడాలని రిక్వెస్ట్ చేసిందని చెబుతున్నారు. దీనికి సంజయ్ దత్ నుంచి కూడా గ్రీన్ సిగ్నల్ వచ్చిందట.

ఇదిలా ఉంటే.. మున్నాభాయ్ తండ్రి పాత్రలో పరేష్ రావల్.. జర్నలిస్ట్ రోల్ లో అనుష్క శర్మ.. మరో కీలక పాత్రలో సోనమ్ నటించనున్నారు. రాజ్ కుమార్ హిరాణీ ఈచిత్రానికి దర్శకత్వం వహించనుండడంతో సంజయ్ బయోపిక్ పై ఆసక్తి నెలకొంది. మాధురి ఎపిసోడ్ లేకపోయినా.. సంజయ్ దత్ జైలు జీవితానికి సంబంధించిన ఎపిసోడ్ మాత్రం ఈ మూవీలో కీలకం అని తెలుస్తోంది.

Like Us on Facebook : https://www.facebook.com/Tupakidotcom/