టాలీవుడ్ బ్యూటీకి సన్నీ లిఫ్ట్ ఇస్తుందా?

ఇప్పుడు బాలీవుడ్ లో ఓ అడల్ట్ కంటెంట్ మూవీ వస్తోంది. సన్నీ లియోన్ హీరోయిన్ గా అంటే సహజంగానే అడల్ట్ కంటెంట్ ఉంటుందనే విషయం అందరికీ తెలిసిందే. అయితే ఈ మూవీలో నైరా బెనర్జీ కూడా ఓ కీలక పాత్ర పోషిస్తోంది. ఎవరీ నైరా బెనర్జీ అనుకుంటున్నా.. అదే అసలు స్టోరీ.. ఈ నైరా ఎవరో కాదు.. తెలుగులో చాలానే సినిమాలు చేసిన మధురిమ.

హీరోయిన్ గాను, ఐటెం భామగాను చాలానే తెలుగు సినిమాలు చేసింది మధురిమ అలియాస్ నైరా బెనర్జీ. ఆరెంజ్ మూవీలో రామ్ చరణ్ పక్కన కాసేపు కనిపించిన ఎక్స్ పీరియన్స్ కూడా ఉంది. కొత్త జంటలో ఈ భామ చేసిన అటు అమలాపురం ఇటు పెద్దాపురం ఐటెం సాంగ్ అయితే కుర్రకారుతో కేకలు పెట్టించింది. కానీ టాలీవుడ్ లో ఈ భామకు బ్రేక్ మాత్రం రాలేదు. ఆ తర్వాత కన్నడ - మలయాళ చిత్రాల్లో కూడా చాలానే ప్రయత్నాలు చేసినా కాలం కలిసి రాలేదు. దీంతో.. ఇప్పుడు పేరు మార్చుకుని బాలీవుడ్ వెళ్లిపోయింది మధురిమ.

సన్నీలియోన్ సినిమాలో కీలక రోల్ చేయడమంటే.. గుర్తింపు అయితే రావడం ఖాయం. వన్ నైట్ స్టాండ్ చిత్రంపై బాలీవుడ్ లో ఎక్స్ పెక్టేషన్స్ బాగానే ఉన్నాయి. ఏడేళ్ల పాటు తెలుగు సినిమా ఇండస్ట్రీ ఇవ్వలేకపోయిన బ్రేక్.. సన్నీలియోన్ ద్వారా బాలీవుడ్ లో వచ్చేస్తుందని నైరా బెనర్జీ ఆశలు పెట్టుకుంది. మరి వీటిని సన్నీ ఏమేరకు నెరవేర్చుతుందో?