అమెరికాలో మరో రికార్డు సాధించిన మహానటి

సైలెంట్ గా విడుదలై బాక్సాఫీస్ వద్ద బంపర్ హిట్ కొట్టింది ‘మహానటి’. ఈ మూవీ ఓవర్సీస్ లో కలెక్షన్ల సునామీ సృష్టిస్తోంది. నిన్నటి కలెక్షన్లతో మహానటి అమెరికాలో 2 మిలియన్ల కలెక్షన్లు సాధించి దూసుకుపోతోంది.. ఈ సినిమా అమెరికాలో విడుదలైన నాలుగు రోజుల్లోనే మిలియన్ డాలర్ల క్లబ్ లో చేరింది. ఇప్పుడు ఏకంగా 2 మిలియన్ల డాలర్లకు చేరుకోవడం విశేషంగా చెప్పవచ్చు..

ప్రస్తుతం మహానటికి అమెరికాలో ఇంకా ఆదరణ పెరుగుతోంది. ప్రేక్షకుల నుంచి స్పందన ఎక్కువగా ఉండడంతో మరో 17 స్ర్కీన్లను నిన్నటి నుంచి ఈ సినిమా కోసం పెంచారు. తాజాగా అందుతున్న సమాచారం ప్రకారం ఈ సినిమా 40 కోట్ల గ్రాస్ ను ప్రపంచవ్యాప్తంగా వసూలు చేసినట్టు తెలిసింది.

తెలుగు రాష్ట్రాల్లో కూడా మహానటి ప్రభంజనం కొనసాగుతోంది. ఇప్పటికే తెలంగాణ, ఏపీలో ఈ మూవీ 12 కోట్ల షేర్ ను సాధించింది. మహానటి తెలంగాణలో కలెక్షన్ల విషయంలో నా పేరు సూర్యను దాటేసి దూసుకుపోతోంది. రంగస్థలం 50 రోజులు పూర్తికావడంతో ఆ సినిమా నడుస్తున్న థియేటర్లను ప్రస్తుతం మహానటి ఆక్రమించేసిందని టాక్..

2018లో అమెరికాలో అత్యధిక కలెక్షన్లు సాధించిన 5 చిత్రాలు ఇవే..

రంగస్థలం -3.5 మిలియన్లు
భరత్ అనే నేను - 3.3 మిలియన్లు
మహానటి -2.01 మిలియన్లు
అజ్ఞాతవాసి-2.06 మిలియన్లు
భాగమతి-1.1 మిలియన్లు..