ఇలా హిట్టు కొట్టి అలా ఒంట‌రి దీవిలోకి!

గ్యాప్ వ‌చ్చినా ఆశించిన బ్లాక్ బ‌స్ట‌ర్ కీర్తి చేతికి చిక్కింది. ఇక ఈ అమ్మ‌డి ఆనందానికి అవ‌ధుల్లేవ్. తాను ఆశించిన క‌మ‌ర్షియ‌ల్ బ్లాక్ బ‌స్ట‌ర్ ద‌క్కింది. మ‌హేష్ స‌ర‌స‌న న‌టించిన స‌ర్కార్ వారి పాట త‌న‌కు బిగ్ బ్రేక్ నిచ్చింది. ఇక ఇదే హుషారులో కీర్తి సురేష్ ఏం చేస్తోందో చూస్తున్నారు క‌దా! అలా వినువీధి విహారానికి రెడీ అయిపోయింది. సుదూర తీరంలో బికినీ బీచ్ సెల‌బ్రేష‌న్స్ కి చెక్కేసింది. నిజానికి ఈ అమ్మ‌డి మోములో ముసిముసి న‌వ్వులు చూసి చాలా కాల‌మే అయ్యింది. ఇంత‌కుముందు మ‌హాన‌టి చిత్రంతో బ్లాక్ బ‌స్ట‌ర్ అందుకున్న‌ప్పుడు ఇంతే హుషారుగా క‌నిపించింది. ఇప్పుడు ఇన్నాళ్ల‌కు ఒక స్టార్ హీరో (మ‌హేష్‌) త‌న‌కు ల‌క్కీ ఛామ్ గా మారి పెద్ద హిట్టిచ్చాడు. ప్ర‌స్తుతం త‌న త‌దుప‌రి కెరీర్ పై సీరియ‌స్ గా దృష్టి సారించింది ఈ బ్యూటీ.

కీర్తి సురేష్ తాజాగా ఇన్ స్టా పోస్ట్‌తో మరోసారి హాట్ టాపిక్ గా మారింది. తాజాగా రెడ్ హాట్ ట్రెండీ లుక్ లో క‌నిపించింది. 29 ఏళ్ల ఈ బ్యూటీ నారింజ రంగు కింబర్లీ రిబ్బడ్ జెర్సీ మిడి డ్రెస్ లో నవ్వుతూ పోజులిచ్చింది. సైడ్ స్లిట్ .. స్లీవ్ లెస్ స్టైల్లో కీర్తి ఎంతో అందంగా క‌నిపిస్తోంది. మినిమల్ మేకప్ లుక్ తో క‌నిపించినా ట్రెండీ బ్లాక్ గ్లాసెస్ తో అంద‌రి చూపుల్ని త‌న‌వైపే తిప్పేసుకుంది.

కెరీర్ మ్యాట‌ర్ కి వ‌స్తే.. మహేష్ బాబుతో కలిసి `సర్కారు వారి పాట`లో కనిపించింది. త‌న కెరీర్ లోనే పెద్ద హిట్ మూవీ ఇది. త‌దుప‌రి మలయాళంలో టోవినో థామస్ తో కలిసి విష్ణు జి రాఘవ్ దర్శకత్వం లో `వాషి`లో న‌టించ‌గా ఇది జూన్ 17న విడుదల కానుంది. మామన్నన్ అనే తమిళ పొలిటికల్ థ్రిల్లర్ లో ఫహద్ ఫాసిల్ తో క‌లిసి కీర్తి క‌నిపించ‌నుంది. నాని సరసన శ్రీకాంత్ ఓదెళ్ల దర్శకత్వంలో తెరకెక్కుతున్న `దసరా`లోను న‌టిస్తోంది. మెహర్ రమేష్ తెర‌కెక్కిస్తున్న‌ యాక్షన్-డ్రామా భోలా శంకర్ లో చిరుకి సోద‌రి పాత్ర‌లో న‌టించ‌నుంది.

కీర్తి ఓ వైపు యువ‌హీరోల స‌ర‌స‌న క‌థానాయిక‌గా న‌టిస్తూనే మ‌రోవైపు అగ్ర హీరోల సినిమాల్లో కీల‌క పాత్ర‌ల‌కు ఓకే చెప్ప‌డం హాట్ టాపిక్ గా మారుతోంది. చిరు స‌ర‌స‌న సోద‌రిగా న‌టిస్తున్న కీర్తి త‌దుప‌రి ఇలాంటి మ‌రిన్ని ప్ర‌యోగాలు చేయ‌నుంద‌ని కూడా టాక్ వినిపిస్తోంది. ఒక వైపు చ‌క్క‌ని రిలేష‌న్ షిప్ ని కొన‌సాగిస్తూనే మ‌రోవైపు క్రేజీ యువ‌హీరోల‌తో ఆఫ‌ర్లు ద‌క్కించుకునేందుకు ఉవ్విళ్లూరుతోంది.