మహర్షికి సామ్ ఆల్ ది బెస్ట్

సూపర్ స్టార్ మహేష్ బాబు కొత్త సినిమా 'మహర్షి' మరో మూడు రోజుల్లో ప్రేక్షకుల ముందుకు రానుంది.. దీంతో ప్రమోషన్స్ జోరుగా సాగుతున్నాయి. మహేష్ ఇంటర్వ్యూలు ఇస్తూ సినిమా సినిమా గురించి విశేషాలను అభిమానులతో.. ప్రేక్షకులతో పంచుకుంటున్నాడు. ఇక టాలీవుడ్ సెలబ్రిటీలు కొందరు 'మహర్షి' విజయం సాధించాలని విషెస్ తెలుపుతున్నారు. స్టార్ హీరోయిన్ సమంతా అందరికంటే ముందు 'మహర్షి'కి విషెస్ తెలిపింది.

సమంతా గతంలో మహేష్ బాబు సూపర్ హిట్ ఫిలిం'దూకుడు' లో హీరోయిన్ గా నటించిన విషయం తెలిసిందే. ఆ విషయాన్ని గుర్తు చేసుకుంటూ ఒక వీడియో బైట్ లో మహేష్ తనకు ఆ సముయంలో ఒక విలువైన సూచన అందించాడని తెలిపింది. తను ఫిల్మీ బ్యాక్ గ్రౌండ్ నుంచి రాలేదని.. అయినా లక్కీగా కెరీర్ మొదట్లోనే మహేష్ గారి లాంటి స్టార్ తో పని చేసే అవకశం తనకు లభించిందని తెలిపింది. ఆ సమయంలో "నీ ప్రతి సినిమాను మొదటి సినిమాలా భావించి పని చేయమని" మహేష్ గారు తనకు సూచన ఇచ్చాడని.. ఆ సూచనను ఇప్పటికీ పాటిస్తుంటానని చెప్పింది. అంతే కాదు మహేష్ గారు కూడా ఇప్పటికే అదే ఫాలో అవుతారని ప్రతి సీన్ విషయంలో అయన శ్రద్ధ తీసుకుంటారని తెలిపింది. మహేష్ గారి 25 వ చిత్రం అయిన 'మహర్షి' విజయం సాధించాలని కోరుకుంటున్నానని విషెస్ తెలియజేసింది.

ఈ వీడియో బైట్ ను తన ఇన్స్టాగ్రామ్ ఖాతా ద్వరా షేర్ చేసిన మహేష్ సతీమణి నమ్రత "మీరు ఫ్యామిలీ మొత్తానికి ఫేవరెట్ సామ్... సితార మిమ్మల్ని ఎంతగానో అభిమానిస్తుంది. మహర్షి కి విషెస్ తెలిపినందుకు థ్యాంక్ యూ సమంతా" అంటూ క్యాప్షన్ ఇచ్చింది.

వీడియో కోసం క్లిక్ చేయండి