పార్టీ మోడ్ లో మహర్షి టీమ్

సూపర్ స్టార్ మహేష్ బాబు నటించిన తాజా చిత్రం 'మహర్షి' నిన్న ప్రేక్షకుల ముందుకు వచ్చిన సంగతి తెలిసిందే. భారీ అంచనాల నడుమ విడుదలయిన ఈ చిత్రం టీమ్ కు 'మహేష్ బాబు పార్టీ ఇచ్చాడు. ఈ పార్టీకి మహర్షి విజయ్ దేవరకొండ స్పెషల్ గెస్ట్ గా హాజరయ్యాడు. నిన్న విజయ్ పుట్టినరోజు కావడంతో ఇదో స్పెషల్ పార్టీ అయింది.

'మహర్షి' టీమ్ మెంబర్స్ లో పూజా హెగ్డే.. డైరెక్టర్ వంశీ పైడిపల్లి.. నిర్మాతలు దిల్ రాజు.. అశ్వని దత్.. ప్రసాద్ వీ పొట్లూరి.. దేవీ శ్రీ ప్రసాద్.. శ్రీమణి..తదితరులు హాజరయ్యారు. ఇక 'మహర్షి' టీమ్ కాకుండా మహేష్ నెక్స్ట్ ప్రాజెక్ట్ కు సంబంధించిన టీమ్ అనిల్ సుంకర.. అనిల్ రావిపూడి.. రష్మిక మందన్న కూడా ఈ పార్టీకి హాజరవడం విశేషం. ఈ సందర్భంగా అందరూ చిరునవ్వులు చిందిస్తూ ఫోటోలకు పోజులిచ్చారు.

'మహర్షి' కి బ్లాక్ బస్టర్ టాక్ రాలేదు కానీ సమ్మర్ హాలిడేస్ కావడంతో భారీ కలెక్షన్స్ నమోదు చేస్తుందనే అంచనాలు ఉన్నాయి. పైగా పోటీలో దాదాపు రెండు మూడు వారాల పాటు చెప్పుకోదగ్గ సినిమాలు లేకపోవడం 'మహర్షి' కి కలిసి వచ్చే అంశమే. ఫస్ట్ వీకెండ్ పూర్తయితే మనకు సినిమా కలెక్షన్స్ పై క్లియర్ పిక్చర్ వచ్చే అవకాశం ఉంది.