మహర్షి మళ్ళీ థాంక్స్ చెబుతాడట!

మహేష్ బాబు 25వ సినిమాగా అభిమానులు ఆశించినట్టే విజయం సాధించిన మహర్షిని ప్రమోట్ చేసే విషయంలో ప్రిన్స్ ఎక్కడా తగ్గడం లేదు. ఇప్పటికే పబ్లిసిటీ విషయంలో ప్రత్యేక శ్రద్ధ తీసుకుని ప్రీ రిలీజ్ మొదలుకుని మొదటి వారం మొత్తం వ్యక్తిగతంగా ప్రమోట్ చేసే పనిలో పడ్డ మహేష్ ఇంకొక్క ఈవెంట్ చేసి వరల్డ్ కప్ ప్లస్ వెకేషన్ కోసం యుకె వెళ్లేందుకు రెడీ అవుతున్నాడు.

నిర్మాతల్లో ఒకరైన పివిపి ప్రసాద్ ప్రీ రిలీజ్ సందర్భంగా విజయవాడలో గ్రాండ్ గా సక్సెస్ మీట్ చేస్తామని ప్రకటించిన సంగతి తెలిసిందే. 18 అనుకున్నారు కానీ ఆ డేట్ సాధ్యపడలేదు. పైగా 23న ఎన్నికల ఫలితాలు ఉన్న నేపథ్యంలో పోలీస్ శాఖ సెక్యూరిటీ కారణాల వల్ల అనుమతులు ఇచ్చే అవకాశాలు తక్కువ. అందుకే ఆ తర్వాత ప్లాన్ చేసే విధంగా ఆలోచన చేస్తున్నారని తెలిసింది

బ్యాక్ గ్రౌండ్ లో డేట్ కు సంబంధించిన క్లారిటీ తప్ప మిగిలిన పనులన్నీ జరుగుతున్నాయట. పర్మిషన్లు యూనిట్ కు కావలసిన వసతులు సౌకర్యాలు ఇవన్నీ చూసుకునే టాస్క్ మీద పివిపి టీమ్ ఆల్రెడీ వర్క్ చేస్తోందని తెలిసింది. ఎలాగూ ముఖ్యమైన వేడుకలు హైదరాబాద్ లో జరిగాయి కాబట్టి ఏపీ అభిమానుల కోసం ఇదొక్కటి చేస్తే రెండు రాష్ట్రాలను బాలన్స్ చేసినట్టు అవుతుంది.

అందుకే సుదర్శన్ థియేటర్ ని సందర్శించినప్పుడు మహేష్ మళ్ళి సక్సెస్ మీట్ లో కలుస్తాను అని చెప్పాడు. సో వేదిక దాదాపు ఖరారు అయినట్టే. డేట్ స్పష్టగా చెప్పేస్తే మహేష్ ఫ్యాన్స్ ప్రయాణానికి ఏర్పాట్లు చేసుకోవడం ఒక్కటే బాలన్స్ ఉంటుంది