అమెరికా ప్రీమియర్స్.. షాక్ ఇచ్చిన మహర్షి

సూపర్ స్టార్ మహేష్ బాబు నటించిన 'మహర్షి' ఈరోజే ప్రేక్షకుల ముందుకు వచ్చింది. మహేష్ కెరీర్లో ల్యాండ్ మార్క్ 25 వ చిత్రం కావడంతో ఈ సినిమాపై భారీ అంచనాలు ఉన్నాయి. అయితే ఈ సినిమా ఓవర్సీస్ లో మాత్రం భారీ రెస్పాన్స్ లేదు. అమెరికాలో ప్రీమియర్స్ కలెక్షన్స్ తీసుకుంటే హాఫ్ మిలియన్ డాలర్ మార్క్ కంటే కాస్త ఎక్కువగా కలెక్షన్స్ వచ్చాయి.

మహేష్ సినిమాలకు యూఎస్ లో భారీ రెస్పాన్స్ ఉంటుంది. ప్రీమియర్స్ తోనే వన్ మిలియన్ డాలర్ మార్క్ దాటగలిగిన సత్తా ఉన్న టాలీవుడ్ స్టార్స్ లో మహేష్ ఒకరు. అయినా ఈ సినిమా ప్రీమియర్ కలెక్షన్స్ మాత్రం ఒకింత షాక్ గురి చేస్తున్నాయి. మహేష్ లాస్ట్ ఫిలిం 'భరత్ అనే నేను'... అంతకు ముందు సినిమా 'స్పైడర్' రెండూ కూడా ప్రీమియర్స్ ద్వారానే వన్ మిలియన్ డాలర్ కలెక్షన్ సాధించాయి. ఆ సినిమాల కంటే ఎక్కువ స్క్రీన్స్ లో 'మహర్షి' ని రిలీజ్ చేసినా $510K (228 లోకేషన్స్ నుండి)గ్రాస్ కలెక్షన్స్ తో మాత్రం సరిపెట్టుకుంది. ప్రీమియ్ర్స్ ద్వారా వన్ మిలియన్ డాలర్స్ ఎక్స్ పెక్ట్ చేస్తున్న 'మహర్షి' టీమ్ కు ఇది ఒకరకంగా షాకే.

ప్రీమియర్స్ ద్వారా హయ్యెస్ట్ కలెక్షన్స్ సాధించిన టాలీవుడ్ చిత్రాల టాప్-10 లిస్టులో 'మహర్షి' స్థానం సంపాదించలేకపోయింది. ఇది కూడా నిరాశ కలిగించే అంశమే. ఇక 'మహర్షి' ఫస్ట్ డే.. ఫస్ట్ వీకెండ్ కలెక్షన్స్ ఎలా ఉంటాయో వేచి చూడాలి.