మహేష్ కాకపొతే మరి మహర్షి ఎవరు?

సూపర్ స్టార్ మహష్ బాబు తాజా చిత్రం 'మహర్షి' ఫస్ట్ లుక్, టీజర్లు తన పుట్టిన రోజు సందర్భంగా ఆగష్టు 9 న రిలీజ్ అయ్యాయి. అఫ్ కోర్స్.. అందరికీ నచ్చడంతో సోషల్ మీడియాలో దుమ్ము దులుపుతున్నాయని అనుకోండి. సినిమాలో మహేష్ 'రిషి' అనే పాత్ర పోషిస్తున్నాడని 'జాయిన్ ద జర్నీ ఆఫ్ రిషి' అని.. 'మీట్ రిషి' అని ఇప్పటికే హింట్స్ ఇవ్వడంతో మహేష్ 'రిషి' అనే విషయం లో ఎవరికీ సందేహం లేదు. మరి 'మహర్షి' టైటిల్ ఏంటి?

మహేష్ ఒక మహర్షిలా..ముని లా తన ధ్యేయం కోసం పాటుపడతాడా? దాదాపు అందరూ అదే అనుకున్నారు. కానీ లేటెస్ట్ టాలీవుడ్ టాక్ ప్రకారం రిషి మహేష్ అయితే, మహర్షి మహేష్ ఫాదర్ అట. అర్థం కాలేదా? ఈ సినిమా తండ్రీ కొడుకుల అనుబంధం నేపథ్యంలో సాగుతుందని, తండ్రీ కొడుకుల మధ్యలో గుండెలని తడి చేసే సన్నివేశాలుంటాయని సమాచారం. మహేష్ ఇప్పటికే నటించిన చాలా సినిమాలలో తండ్రీ కొడుకుల నేపథ్యం వచ్చినప్పుడల్లా మహేష్ ఆర్ద్రతతో ఆడియన్స్ ను మెప్పించాడు. ఇప్పుడిక నెక్స్ట్ లెవల్ కి తీసుకెళ్ళిపోతాడేమో వేచి చూడాలి.

పూజా హెగ్డే హీరోయిన్ గా నటిస్తున్న ఈ సినిమాలో అల్లరి నరేష్ ఒక కీలక పాత్ర పోషిస్తున్నాడు. దేవీ శ్రీ ప్రసాద్ సంగీతం అందిస్తున్న ఈ సినిమాకు దిల్ రాజు- అశ్వినీ దత్ -ప్రసాద్ వీ పోట్లూరి నిర్మాతలు. ఏప్రిల్ 5, 2019 న ప్రేక్షకుల ముందుకు రానుంది ఈ ల్యాండ్ మార్క్ చిత్రం.