సుధీర్ బాబు బెస్ట్ ఇదే.. మ‌హేష్ కాంప్లిమెంట్!

మహేష్ బాబు ఇటీవల తాను న‌టించ‌ని మంచి సినిమాల‌కు త‌న‌వంతు ప్ర‌మోష‌న్ చేస్తున్నారు. దాదాపు అన్ని సినిమాలను ప్రైవేట్ థియేటర్ లో చూసి త‌న రివ్యూలు చెబుతున్నారు. అడివి శేష్ గూఢ‌చారి పైనా మ‌హేష్ ట్వీట్ చేసిన సంగ‌తి తెలిసిందే. ఆ త‌ర్వాత ప‌లువురు స్టార్లు న‌టించిన సినిమాల్లో న‌చ్చిన వాటికి సోష‌ల్ మీడియాల్లో ప్ర‌మోట్ చేశారు. ఇప్పుడు బావ సుధీర్ బాబు వంతు. తన బావ గారైన సుధీర్ బాబు న‌టించిన‌ శ్రీదేవి సోడా సెంటర్ మూవీ చూసిన అనంత‌రం దానిపై స్పందించారు.

మహేష్ ఈ మూవీకి సంబంధించిన క్లిష్ఠ‌త‌పై మాట్లాడారు. ముఖ్యంగా సుధీర్ బాబు గురించి మంచి విషయాలు చెప్పుకొచ్చారు. #శ్రీదేవిసోడా సెంటర్ ... చాలా కష్టమైన క్లైమాక్స్ తో ముడి పెట్టిన సీరియ‌స్ మూవీ. దర్శకుడు క‌రుణ‌కుమార్ పలాస 1978 తర్వాత మరో బోల్డ్ సినిమాతో ముందుకు వచ్చారు. సుధీర్ ఎంపిక‌లో ఇది ఖచ్చితంగా తెలివైనది !! ఇప్పటి వరకు అతని అత్యుత్తమ ప్రదర్శన ఇందులో చూశాను`` అని ఆయన పోస్ట్ చేసారు. సీనియ‌ర్ నరేష్ ని మ‌హేష్ ప్రత్యేకంగా ప్రశంసించారు. శ్రీదేవి పాత్రలో ఆనంది ఎంతో క‌రెక్ట్ గా కుదిరింది. అద్భుతమైన విజువల్స్.. అత్యుత్తమ బ్యాక్ గ్రౌండ్ స్కోర్ ఆక‌ట్టుకుంది!! అని అన్నారు.

శ్రీదేవి సోడా సెంటర్ రిలీజ్ ముందే నిర్మాత‌లు విజయ్ చిల్లా-శ‌శిధ‌ర్ రెడ్డి విజ‌యంపై ధీమాను వ్య‌క్తం చేశారు. తొలి రోజున‌ కొన్ని మిశ్రమ సమీక్షలను అందుకున్నా.. ప్ర‌ముఖుల ప్ర‌శంస‌లు ద‌క్కుతున్నాయి. ఇప్పుడు మహేష్ ట్వీట్ వారాంతంలో బాక్సాఫీస్ వ‌సూళ్ల‌కు తప్పకుండా సహాయపడుతుంది. గోదావ‌రి నేప‌థ్యంలో ప్రేమ‌క‌థ‌తో పాటు.. యాక్ష‌న్ ఛేజ్ ల‌తో మాస్ యాక్ష‌న్ ఎంట‌ర్ టైన‌ర్ గా శ్రీ‌దేవి సోడా సెంట‌ర్ లో ఎమోష‌న్ ఆక‌ట్టుకుంద‌న్న ప్ర‌శంస‌లు ద‌క్కాయి.