మహేష్ కు ఇద్దరితో రొమాన్స్ తప్పదట

సూపర్‌ స్టార్‌ మహేష్ బాబు హీరోగా ప్రస్తుతం రూపొందుతున్న సర్కారు వారి పాట షూటింగ్ ముగింపు దశకు వచ్చింది. సర్కారు వారి పాట సినిమాను ముగించిన వెంటనే త్రివిక్రమ్‌ దర్శకత్వంలో సినిమాను చేసేందుకు గాను మహేష్‌ ఓకే చెప్పాడు అనేది ఇండస్ట్రీ వర్గాల టాక్‌. మహేష్‌ బాబు మరియు త్రివిక్రమ్‌ ల కాంబోలో రూపొందబోతున్న సినిమాను అక్టోబర్ లో మొదలు పెట్టే అవకాశాలు ఉన్నాయి అంటూ మొదటి నుండి వార్తలు వస్తున్నాయి. సంక్రాంతికి సర్కారు వారి పాట సినిమాను విడుదల చేయబోతుండగా త్రివిక్రమ్‌ దర్శకత్వంలో రూపొందబోతున్న సినిమాను వచ్చే ఏడాది సమ్మర్ లో విడుదల చేయాలని భావిస్తున్నట్లుగా తెలుస్తోంది.

సమ్మర్ లో ఈ సినిమాను విడుదల చేసేందుకు గాను చాలా స్పీడ్ గా షూటింగ్‌ చేస్తారని చెబుతున్నారు. ఈ సినిమాలో ఇప్పటికే పూజా హెగ్డేను హీరోయిన్‌ గా ఎంపిక చేశారనే వార్తలు వస్తున్నాయి. త్రివిక్రమ్‌ సినిమా అంటే ఇద్దరు హీరోయిన్స్ ఖచ్చితంగా ఉంటారు. ఈ మద్య కాలంలో త్రివిక్రమ్‌ నుండి వచ్చిన దాదాపు అన్ని సినిమాల్లో కూడా హీరోయిన్‌ లు ఇద్దరు నటించారు. చివరగా వచ్చిన అల వైకుంఠపురంలో కూడా ఇద్దరు హీరోయిన్స్ నటించారు. కనుక మహేష్‌ బాబుతో చేయబోతున్న సినిమాను కూడా ఇద్దరు హీరోయిన్స్ తో చేయబోతున్నట్లుగా వార్తలు వస్తున్నాయి.

మహేష్ బాబు సినిమాల్లో ఎక్కువ శాతం ఒక్క హీరోయిన్‌ మాత్రమే ఉంటుంది. కాని ఈసారి మాత్రం త్రివిక్రమ్‌ సెంటిమెంట్‌ కారణంగా మహేష్‌ బాబు ఇద్దరు ముద్దుగుమ్మలతో రొమాన్స్ చేయక తప్పదు అన్నట్లుగా ఇండస్ట్రీ వర్గాల వారు అంటున్నారు. మహేష్ బాబు తో త్రివిక్రమ్ చేయబోతున్న సినిమా కు అతడే పార్థు అనే టైటిల్ పరిశీలిస్తున్నారు అనేది టాక్. అతి త్వరలోనే సినిమా నుండి కీలక అప్డేట్ రాబోతుంది అంటూ వార్తలు వస్తున్నాయి.