మహేష్ ఒప్పకుంటే మరో సీతమ్మ వాకిట్లో ఖాయం!

సూపర్ స్టార్‌ మహేష్‌ బాబు తాజాగా నాగార్జున నటించిన ది ఘోస్ట్‌ సినిమా యొక్క థియేట్రికల్‌ ట్రైలర్ ను విడుదల చేసిన విషయం తెల్సిందే. ది ఘోస్ట్ ట్రైలర్‌ విడుదల సందర్భంగా సోషల్‌ మీడియా ద్వారా మహేష్ బాబు మరియు నాగార్జున మధ్య ఆసక్తికర చర్చ జరిగింది. ఆ చర్చ చూస్తుంటే త్వరలోనే మరో సీతమ్మ వాకిట్లో సిరిమల్లె చెట్టు వంటి ఫ్యామిలీ మల్టీస్టారర్ వచ్చే అవకాశాలు ఉన్నాయి అనిపిస్తుంది.

వెంకటేష్ తో కలిసి మహేష్ బాబు సీతమ్మ వాకిట్లో సిరిమల్లె చెట్టు సినిమా ను చేసిన విషయం తెల్సిందే. ఆ సినిమా కథ పెద్దగా లేకున్నా కూడా మంచి కాంబినేషన్ అంటూ మల్టీస్టారర్ అవ్వడం తో ప్రేక్షకులు ఆ సినిమా ను సక్సెస్ చేశారు. మల్టీ స్టారర్‌ సినిమా లు మీడియంగా ఉన్నా కూడా ప్రేక్షకులు చూసేందుకు ఆసక్తి చూపిస్తారు అనడంలో ఎలాంటి సందేహం లేదు.

అందుకే నాగార్జున మరియు మహేష్ బాబుల కాంబోలో ఒక సినిమా వస్తుందని.. రావాలని అభిమానులు ఆశ పడుతున్నారు. తాజాగా నాగార్జున స్వయంగా మల్టీ స్టారర్‌ సినిమాను ప్రస్థావించారు. గతంలో కృష్ణ గారితో సినిమా ను చేశాను.. మనం ఇద్దరం ఎప్పుడు సినిమా చేద్దాం అంటూ మహేష్ బాబు ను నాగార్జున ప్రశ్నించాడు.

ఆ ప్రశ్నకు మహేష్ బాబు నుండి చాలా సానుకూల సమాధానం లభించింది. తప్పకుండా మనం ఇద్దరం కలిసి సినిమా చేద్దాం.. అంత కంటేనా అన్నట్లుగా మహేష్ బాబు రియాక్ట్‌ అయ్యారు. వీరిద్దరు కలిసి సినిమా చేసేందుకు చాలా ఆసక్తిగానే కనిపిస్తున్నారు కానీ ఇద్దరిని మెప్పించగల సత్తా ఉన్న దర్శకుడు.. అందుకు తగ్గ కథ కావాల్సి ఉంది.

ఇద్దరు స్టార్‌ హీరోలు కలిసి నటిస్తే సినిమా తప్పకుండా మోస్ట్‌ బజ్ క్రియేట్‌ చేస్తుంది అనడంలో సందేహం లేదు. ఒక వేళ మంచి బజ్ తో సినిమా కనుక విడుదల మొదలు అయితే మాత్రం అది కచ్చితంగా సీతమ్మ వాకిట్లో సిరిమల్లె చెట్టు మాదిరిగా భారీ విజయాన్ని నమోదు చేయడం ఖాయం అంటూ అభిమానులు అభిప్రాయం వ్యక్తం చేస్తున్నారు.

ఫిల్మ్‌ మేకర్స్ ఈ మల్టీ స్టారర్ పై కాస్త సీరియస్ గా దృష్టి పెట్టాల్సిన అవసరం ఉందని అభిమానులు అభిప్రాయం వ్యక్తం చేస్తున్నారు. త్వరలో రాజమౌళి దర్శకత్వంలో మహేష్ బాబు సినిమా చేయబోతున్న విషయం తెల్సిందే. ఆ సినిమా లో నాగార్జున కూడా నటిస్తే బాగుంటుంది. వారిద్దరిని కలిపి చూపించ గల సత్తా రాజమౌళి కి ఉందని ఆ దిశగా ఆయన ప్రయత్నించాలని అభిమానులు కోరుకుంటున్నారు.