#MB27లో VD ఓకే అయిన‌ట్టేనా?

సూప‌ర్ స్టార్ మ‌హేష్ క‌థానాయ‌కుడిగా న‌టించే 27వ సినిమా ప్ర‌స్తుతం హాట్ టాపిక్. ఈ సినిమాకి వంశీ పైడిప‌ల్లి ద‌ర్శ‌క‌త్వం వ‌హించ‌నున్నారు. ఇప్ప‌టికే స్క్రిప్టు రెడీ అవుతోంది. మ‌హేష్ విదేశీ వెకేష‌న్ పూర్తి చేసుకుని తిరిగి రాగానే సినిమాని ప్రారంభిస్తారు. ఇక‌పోతే ఈ సినిమా లో మ‌హేష్ రోల్ ఎలా ఉంటుంది? అన్న‌ దానిపై ఇప్ప‌టికే బోలెడంత ప్ర‌చార‌మైంది.

ఇందులో మ‌హేష్ ఒక గ్యాంగ్ స్టర్ గా న‌టిస్తార‌న్న టాక్ ఇప్ప‌టికే స్ప్రెడ్ అయ్యింది. మ‌హేష్ ని యూనివ‌ర్శ‌ల్ స్టార్ గా చూపించాల‌న్న‌ది వంశీ పైడిప‌ల్లి ప్లాన్. గ్యాంగ్ స్ట‌ర్ రోల్ అయితే అంద‌రికీ క‌నెక్టివిటీ ఉంటుంద‌ని ఎంపిక చేసుకున్నార‌ట‌. పైగా తెలుగు త‌మిళ మార్కెట్ల‌ తో పాటు హిందీ మార్కెట్ పైనా ఈ క్రేజీ కాంబినేష‌న్ దృష్టి సారించ‌నున్నారు. ఇక మ‌హేష్ గ్యాంగ్ స్ట‌ర్ గా క‌నిపించ‌డం అన్న‌ది కొత్తా? అంటే ఇందు లో కొత్త ఏం ఉంది? మ‌హేష్ గ్యాంగ్ స్ట‌ర్ గా మారిన ప్ర‌తిసారీ సూప‌ర్ హిట్స్ కొట్టాడు. పోకిరి- బిజినెస్ మేన్ ఈ త‌ర‌హానే. ఇప్పుడు పైడిప‌ల్లి అలాంటి క‌థ‌నే ఎంపిక చేసుకున్నాడు.

ఈ సినిమాలో ఇంకేం కొత్త ఉంటుంది? అంటే ఇందులో విజ‌య్ దేవ‌ర‌కొండ జాయిన్ అవ్వ‌డ‌మే కొత్త అని చెప్పాలి. మ‌హేష్ - దేవ‌ర‌కొండ కాంబినేష‌న్ మ‌ల్టీస్టార‌ర్ మూవీ ఇది. ఇందులో దేవ‌ర‌కొండ ఓ స్పెష‌ల్ పాత్ర‌లో న‌టించ‌నున్నాడు. అది క‌థ‌లో కీల‌కంగా ఉంటుంద‌ని తెలిసింది. ఇప్ప‌టికే రౌడీ గారు త‌న‌తో న‌టించేందుకు మ‌హేష్ గ్రీన్ సిగ్న‌ల్ ఇచ్చేశాడు. అయితే దీనిపై ఇంకా అధికారికంగా ఎలాంటి ప్ర‌క‌ట‌నా రాలేదు. క‌థా చ‌ర్చ‌ల ద‌శ‌ లో అయితే దేవ‌ర‌ కొండ పేరును పైడిప‌ల్లి ప్ర‌తిపాదించారు. ఆ క్ర‌మంలోనే మ‌హేష్ ఇంట పార్టీల‌కు దేవ‌ర‌కొండ అటెండ‌య్యారు. ప‌లు వేదిక‌ల‌పైనా ఆ ఇద్ద‌రూ క‌లుసుకున్న సంగ‌తి తెలిసిందే. అయితే దేవ‌ర‌కొండ కీల‌క‌మైన పాత్ర అంటే ఫ్యాన్స్ లో ఉత్కంఠ నెల‌కొంది. అది ఎలాంటిది? అన్నది ఇంకా రివీల్ కావాల్సి ఉంది.