మహేష్ షెడ్యూల్ మారిందమ్మా

టాలీవుడ్ సూపర్ స్టార్ మాహేష్ బాబు మొత్తానికి భరత్ అనే నేను సినిమాతో విజయాన్ని అందుకొని సక్సెస్ ట్రాక్ పట్టేశాడు. ఇక నెక్స్ట్ కూడా అదే తరహాలో విజయాలను అందుకోవాలని చుస్తున్నాడు. గతంలో ఎప్పుడు లేని విధంగా ప్రస్తుతం వంశీ పైడిపల్లి దర్శకత్వంలో సూపర్ స్టార్ ఓ సినిమాకు రెడీ అయినా సంగతి తెలిసిందే. సరికొత్త లుక్ కోసం ఇప్పటికే మహేష్ వర్కౌట్స్ చేసి హెయిర్ స్టైల్ లో కూడా మార్పులు చేశాడు. కొంచెం సమ్మర్ ఎండ్ ఇవ్వగానే జూన్ రెండవ వారంలో షూటింగ్ ని స్టార్ట్ చేయనున్నారు.

ఇక లేటెస్ట్ అప్డేట్ ఏంటంటే.. ,మహేష్ 25వ చిత్రమని కొన్ని నెలల వరకు దర్శకుడు వంశీ పైడిపల్లి లొకేషన్స్ సెర్చింగ్ లో బిజీ బిజీగా గడిపిన సంగతి తెలిసిందే. ఇక షెడ్యూల్ విషయంలో చిత్ర యూనిట్ మొన్నటి వరకు కొంచెం కన్ఫ్యూజన్ అయినట్లు వార్తలు వచ్చాయి. అసలైతే మొదటి షెడ్యూల్ యూఎస్ లో ఫినిష్ చేయాలని అనుకున్నారు. కానీ ఇప్పుడు నార్త్ ఇండియా హిల్ స్టేషన్ డెహ్రాడూన్ లో షూటింగ్ మొదలు పెట్టాలని తేదీలను ఫిక్స్ చేసుకున్నారు.

జూన్ సెకండ్ వీక్ లో మొదలు పెట్టి వీలైనంత త్వరగా షూటింగ్ ను ఫినిష్ చేసుకోనాలని అనుకుంటున్నారు. ఆ తరువాత హైదరాబాద్ వచ్చేసి ఓ వారం గ్యాప్ తరువాత మహేష్ గ్యాంగ్ అమెరికా వెళ్లనుంది. అక్కడ స్పెషల్ లొకేషన్స్ లలో లాంగ్ షెడ్యూల్ ని ప్లాన్ చేసుకున్నారు. రాజయలసీమ బ్యాక్ డ్రాప్ అంశం ఇందులో ఉండనుందని టాక్ వస్తోంది. ఇక అల్లరి నరేష్ మహేష్ స్నేహితుడిగా పూజా హెగ్డే ముఖ్య కథానాయికగా కనిపించనున్న సంగతి తెలిసిందే.